Komiteti Gjyqësor i Senatit në një seancë me shefat ekzekutivë të pesë kompanive të mëdha të teknologjisë, duke përfshirë CEO të Meta, Mark Zuckerberg, për dëmet e mundshme nga produktet e tyre tek adoleshentët, me pretendimet se media sociale mund të dëmtojë përdoruesit e rinj, duke përfshirë shqetësimet se rrezikon t’i çojë ata në depresion apo edhe vetëvrasje.
Drejtori i Përgjithshëm i Meta, Mark Zuckerberg, u kërkoi falje familjeve të pranishme në seancën dëgjimore të Senatit, duke thënë se i vjen keq për “gjërat që kanë vuajtur familjet tuaja”.
“Më vjen keq për gjithçka që keni kaluar. Askush nuk duhet t’i kalojë gjërat që kanë vuajtur familjet tuaja dhe kjo është arsyeja pse ne investojmë kaq shumë dhe do të vazhdojmë të bëjmë përpjekje në të gjithë industrinë për t’u siguruar që askush nuk duhet të kalojë gjërat që kanë vuajtur familjet tuaja“, ai tha.
Në përgjigje, senatori republikan i Misurit, Josh Hawley, i bëri thirrje Zuckerberg, si miliarder, të “kompensojë” familjet, fëmijët e të cilëve janë prekur nga platformat e tij.
Dhe seanca u bë edhe më e rëndësishme të mërkurën, një ditë pasi një video e tmerrshme u postua në YouTube që tregonte një burrë që mbante kokën e prerë të babait të tij. Videoja qarkulloi për orë të tëra në YouTube, duke mbledhur më shumë se 5000 shikime, para se të hiqej.
Top Channel
