SHBA tërheq një tjetër aeroplanmbajtëse nga Lindja e Mesme, në rajon mbeten vetëm dy
Miliarderi amerikan Elon Musk ka shprehur keqardhje për shumat e mëdha që shpenzoi për të mbështetur kandidatët republikanë në zgjedhjet e mesmandatit në SHBA, duke pranuar se investimi i tij financiar nuk solli rezultatet që kishte pritur.
Gjatë një interviste në eventin DealBook të New York Times, të mbajtur të mërkurën në New York, kreu i Tesla-s dhe SpaceX deklaroi se ndihej i zhgënjyer nga mënyra se si u përdorën paratë e tij në fushatën zgjedhore.
“Ndihem shumë budalla që shpenzova kaq shumë para dhe pashë kaq pak rezultate. Ose ndoshta gjërat mund të kishin qenë edhe më keq”, u shpreh Musk, i cili mori pjesë në aktivitet përmes një lidhjeje video nga Kina, ku ndodhet në shoqërinë e presidentit amerikan Donald Trump.
Musk kishte investuar rreth 500 milionë dollarë për të mbështetur republikanët, me synimin që ata të ruanin kontrollin e Dhomës së Përfaqësuesve dhe Senatit. Megjithatë, rezultatet zgjedhore, që sollën një fitore të demokratëve, e kanë shtyrë miliarderin të rishikojë efektivitetin e kontributeve të mëdha financiare në politikë.
“Zgjedhjet nuk kanë të bëjnë vetëm me paratë”, tha ai, duke pranuar se edhe shpenzimet e konsiderueshme nuk garantojnë sukses elektoral.
ELON MUSK REFLECTS ON $445 MILLION GOP MIDTERM SPENDING: “I FEEL PRETTY FOOLISH”
Elon Musk says he feels “pretty foolish” about spending hundreds of millions backing Republicans in the 2026 midterms without seeing much return, while acknowledging the outcome might have been worse without his support.
He says he devoted little personal attention to the effort because he was focused on SpaceX and Tesla.
Musk’s America PAC spent at least $445 million backing Republicans, including $47 million against James Talarico in Texas.https://t.co/W1gsSLIdKH
@ElonMusk @SpaceX @SpaceXSI @Tesla @x @xAI @Starlink @neuralink @Skydance @CNN #elon #ElonMuskNews #spacex #tesla #flyingcar #Skydance #CNN #winning
— Sergeant News Network 🇺🇲 (@sgtnewsnetwork) November 19, 2026
I pyetur nëse do të ndryshonte diçka nëse do të kishte mundësinë të kthehej pas në kohë, Musk u përgjigj: “Nëse do të mund të kthehesha pas në kohë, do të shpenzoja më pak”.
Ai shtoi se do të kufizonte edhe kohën personale që i kushtoi fushatave politike, pasi përparësia e tij mbeten aktivitetet e biznesit, veçanërisht kompanitë Tesla dhe SpaceX.
Një prej rasteve që ilustron investimin e madh financiar pa rezultatin e synuar ishte gara për një vend në Senat në Teksas.
Musk kishte mbështetur me shuma të konsiderueshme kandidatin republikan Ken Paxton, ish-prokurorin e përgjithshëm të shtetit. Sipas shifrave të fushatës, shpenzimet për mbështetjen e tij kaluan 220 milionë dollarë, megjithëse raportimet ndryshojnë sa i përket shumës së financuar drejtpërdrejt nga Musk.
Pavarësisht mbështetjes financiare, Paxton u mund nga demokrati 37-vjeçar James Tallarico, i cili arriti të sigurojë vendin në Senat.
Teksasi ka rëndësi të veçantë për interesat e biznesit të Musk, pasi në Austin ndodhen selitë e kompanive të tij, ndërsa në këtë shtet janë ngritur ose po zhvillohen edhe objekte të rëndësishme prodhimi për automjete elektrike, mikroçipa dhe teknologji të tjera.
Gjatë intervistës, miliarderi u pyet edhe për Gina Hinojosa-n, kandidaten demokrate që, sipas rezultatit të zgjedhjeve, pritet të marrë drejtimin e Teksasit në janar 2027, duke pasuar republikanin Greg Abbott.
Pavarësisht dallimeve politike, Musk u shpreh se nuk pret që ndryshimi i drejtimit politik të krijojë probleme për aktivitetet e tij në këtë shtet.
“Mendoj se ajo do të jetë mjaft e moderuar. Nuk mendoj se do të jetë një guvernatore e ekstremit të majtë”, deklaroi ai.
Më tej, Musk shtoi se, bazuar në informacionet që ka për Hinojosa-n, beson se marrëdhëniet dhe zhvillimet në Teksas do të vijojnë normalisht edhe pas marrjes së detyrës nga guvernatorja e re.
Top Channel