Shkarkohet kirurgu i njohur francez që kthente hundën e pacienteve në ‘patate’ (fotot)
25/11 15:52
Raportuesja e OKB për Palestinën lutej sot që Izraeli të merrte në konsideratë ndalimin e luftës në Gaza, duke nxitur Tel Aviv të mos neglizhonte shkatërrimin dhe krizën e urisë që ka përfshirë qytetin e rrethuar.
Francesca Albanese tha se Gaza po përjeton “vdekje masive nga uria” teksa më shumë se gjysma e rreth 2 milionë banorëve nuk kanë ushqim prej bllokadës së Izraelit dhe bombardimeve të nisura në tetor.
Albanese shkruante në rrjetin X: “Nuk kisha menduar se do të dëshmoja ndonjëherë një krizë urie të këtyre përmasave në shekullin e 21-të. Por këtu në Gaza, pas 100 dite bombardimesh, pa ushqim të mjaftueshëm, pa ujë e karburant që nuk lejohen të hyjnë, po vdesin fëmijët të parët, dhe më pas të rriturit, para syve tanë”.
“Lutja ime për Izraelin: Ne nuk e ndalojmë dot këtë pa ju. Unë e pranoj dhimbjen tuaj, si ajo për pengjet në Gaza, por mos harroni shkatërrimin që po shkaktoni në Gaza, veçanërisht për fëmijët, gjysma e popullatës është e bllokuar në këtë tmerr. Kjo gjendje nuk shpëton askënd”.
1/2. I never thought we would witness mass starvation of these proportions used in the 21st century. Yet here it is in Gaza, after 100 days of bombing, with insufficient food, fuel & water allowed in. Children are dying first. Adults will follow. Before our eyes. https://t.co/s1V5foNBYX
— Francesca Albanese, UN Special Rapporteur oPt (@FranceskAlbs) January 16, 2024
Komentet e saj vijnë pas një deklarate të përbashkët nga Programi Botëror i Ushqimit , UNICEF, dhe OBSH, ku drejtoresha e UNICEF, Catherine Russell tha:
“Fëmijët po vdesin nga kequshqyerja dhe sëmundjet, ata kanë nevojë për mjekime, ujë e shërbime sanitare, por kushtet në terren nuk na lejojnë të arrijmë te njerëzit në nevojë”.
Drejtoresha e programit botëror të ushqimit Cindy Mcain, gjithashtu paralajmëronte: “Njerëzit në Gaza rrezikojnë të vdesin nga uria disa kilometra larg kamionëve me ushqim që nuk lejohen të shkojnë te ta”.
Izraeli bombardon Gazës pas një sulmi të Hamas më 7 tetor ku raportohet se rreth 1000 njerëz u vranë në Izrael./TRT/
100 ditë sulme e bombardime në Gaza kanë vrarë më shumë se 20 000 palestinezë, mijëra të tjerë janë plagosur dëbuar e zhvendosur.
Të paktën 60 përqind e infrastrukturës së qytetit është dëmtuar ose shkatërruar , sipas statistikave të OKB./Agjencia TRT/
Top Channel
