Gazetari që publikoi ‘listën e klientëve’ të Epstein thotë se krimineli ‘kishte klonuar veten’ (fotot)
15/05 17:16
A keni parë ndonjëherë të ndaloni makinën në semafor për të lënë të kalojë një aeroplan në pistë?
Kjo ka ndodhur deri kohët e fundit me shoferët që kalonin rrugën kryesore të aeroportit të Gjibraltarit, teksa rruga kryesore drejt Spanjës kalon përmes pistës së tij të ngritjes, duke krijuar probleme serioze trafiku.
Ishulli i Gibraltarit është territor i Britanisë dhe aeroporti i tij zotërohet nga forcat ajrore britanike të Gjibraltarit. Ka gjithashtu një terminal për civilët ku fluturojnë disa linja britanike pasagjerësh.
Por megjithëse shumica e aeroporteve janë të larguara nga rrugët dhe pengesat e tjera që mund të pengojnë uljen e ngritjen e avionëve, këtu historia ka qenë ndryshe.
Pista e aeroportit të Gjibraltarit kryqëzohet me bulevardin Winston Churchill, që vijon deri në kufirin me Spanjën dhe rrjedhimisht është rruga më e ngarkuar në Gjibraltar.
Kjo do të thotë se kur avionët ulen ose ngrihen prej tij rruga e makinave duhet të mbyllet, duke krijuar radhë të gjata trafiku.
Ajo përdoret gjithashtu nga këmbësorë dhe faqja e internetit e aeroportit e përshkruan si një “atraksion i pazakontë turistik”.
Në të thuhet: “Vizitorët mund të habiten kur janë duke ecur në një rrugë ku dy minuta më parë është ulur avioni i tyre”.
Por megjithëse historia ka tërhequr vëmendje gjatë viteve tashmë asaj i ka ardhur fundi tashme.
Një ‘bypass’ në formë tuneli tashmë kalon poshtë pistës duke ndaluar akumulimin e mjeteve në dy anët e aeroportit.
Tuneli u inaugurua më 31 mars 2023, dhe kalimi makinave në pistë u ndalua.
Rruga kryqëzuese mbetet aty por tashmë përdoret vetëm për emergjenca.
Kalimtarët dhe çiklistët kanë tunelin e tyre por gjithashtu mund të përdorin rrugën mbi pistë në këmbë ose me mjetet e tyre të lehta.
Top Channel
