VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Para disa ditësh, trajneri i mirënjohur Sven Goran Eriksson lajmëroi se vuante nga një sëmundje e rëndë (tumor në pankreas), një njoftim që tronditi të gjithë botën e futbollit aq më tepër kur suedezi paralajmëroi se ndoshta nuk i ka mbetur më shumë se një vit jetë.
Mesazhe të shumta kanë shkuar në drejtim të 75-vjeçarit që po bën maksimumin në luftën kundër kësaj sëmundje të keqe. Së fundmi, tifozët e Liverpool kanë nisur një fushatë mjaft emocionuese, që të paktën për një ndeshje Eriksson të drejtojë nga stoli skuadrën e tyre të zemrës. Eriksson është shprehur se është një tifoz i “The Reds-ave”, dhe se ëndërronte që një ditë ta drejtonte skuadrën në Anfield.
Me këtë iniciativë të tifozerisë së kuqe, kjo ëndërr e Eriksson mund të bëhet realitet dhe drejtuesit e klubit kanë nisur ta studiojnë si mundësi. Duket se data më e përshtatshme është në marsin e vitit të ardhshëm me Liverpool që planifikon një miqësore ndaj Ajaxit.
Top Channel
