VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Qazim Laçi është kthyer shpejt në një nga lojtarët më të dashur të tifozëve të Spartës së Pragës.
Mesfushori dibran i kombëtares shqiptare, po performon mjaft mirë me skuadrën çeke.
Sezonin e kaluar fitoi titullin kampion, ndërkohë që këtë edicion numëron 2 gola dhe 7 asiste në të gjithë kompeticionet.
Tifozët e duan prej faktit që jep gjithmonë zemrën në fushë, ndërkohë që 27-vjeçari gëzon respekt maksimal edhe mes shokëve të skuadrës dhe stafit teknik.
Gjithmonë pozitiv dhe i buzëqeshur, dhe gati për të luftuar për fanellën që mban mbi supe. Sparta ka publikuar një video nga rikthimi i Laçit në skuadër.
Siç dallohet, atmosfera është e shkëlqyer dhe të gjithë ndihen mirë me “luftëtarin” shqiptar, i cili ka nisur përgatitjet për pjesën e dytë të sezonit.
Tashmë do të ketë shok skuadre edhe Indrit Tucin, sulmuesin e talentuar kurbinas, të cilin Sparta e bleu nga kroatët e Lokomotivës së Zagrebit.
Aktualisht, ekipi kryeqytetas renditet në vendin e parë me 5 pikë më shumë se rivalët e Slavias, të cilët kanë luajtur një ndeshje më pak. Sparta vijon garimin edhe në Europa League.
Kompeticion ku Laçi dhe Tuci do të përballen me turqit e Galatasarayt në raundin e 1/16-ve. / SuperSport
Top Channel
