A e qëlloi një i rritur Martinin para ngjarjes? Zëdhënësi i policisë së Tiranës sqaron të vërtetën në “Shqipëria Live” 22/11 13:34
Analisti Milaim Zeka në një lidhje me skype në emisionin “Top Talk” në Top Channel tha se para disa kohësh presidenti i Kosovës, Albin Kurti ka kërkuar dorëheqjen në ambasadën amerikane në Prishtinë.
Sipas Zekës, amerikanët nuk ia kanë pranuar, duke i theksuar se ndodhet në pushtet për të realizuar disa detyra.
“Për ne është një lajm shumë i madh dhe i gëzueshëm, NATO po përforcon bazat ushtarake, direkt investim i sigurisë së Kosovës, edhe sekretari Blinken ka dhënë dritën jeshile, presim kongresin amerikan, është një sinjal që po i dërgohet Rusisë, pastaj Serbisë, Putin është një njeri më i rrezikshëm se Millosheviç, ka qenë zëdhënës, e dimë që ka kryer krime ndaj boshnjakëve në Bosnjë, ka qenë në brigadat e Mlladiçit, bota besoj po i tregon sinjale të qarta, ajo që më shqetëson është qëndrimi i Albin Kurtit. Më shqetëson kryeneçësia e Kurti, i cili dirigjohet nga elektorati i Facebook-ut. Ai duhet të plotësohet, kjo është detyrë numër një, prioritet i qeverive të Kosovës, nuk është kërkesë e Serbisë, por e Brukselit. Jam shumë i bindur se nuk do ta pranojë asociacionin, para një kohe Albin Kurti ka ofruar dorëheqjen në ambasadë në Prishtinë por amerikanët nuk ia kanë pranuar dorëheqjen, duke i thënë se ke ardhur në pushtet për të kryer disa detyra”, tha Zeka.
Nëse Kurti nuk pranon të formojë asociacionin e komunave serbe, sipas analistit, Kosova do të shkojë në zgjedhje të parakohëshme dhe Kurti rrezikon të shpallet person ‘non grata’ nga SHBA dhe BE.
Kurti është në pozicion qe e ka pranuar asociacion, digjet nga elektorati i tij, ka ardhur në pushtet duke kundërshtuar asociacionin, nëse nuk e plotëson këtë kërkesë pas datës 15 janar, sipas informacioneve të mia presioni do të rritet ndaj Albin Kurtit dhe Kosova pret një pako të dytë. Ambasadori e di që ndërkombëtarët zgjedhin më të butat, më të mirat. Nëse Kurti nuk pranon të formojë asociacionin e komunave serbe do të shkojmë në zgjedhje të parakohëshme, ai rrezikon të shpallet person ‘non grata’ nga SHBA dhe BE. Albini është abuzuesi dhe gënjeshtari në historinë politike të shqiptarëve, qëkur është bërë kryeministër i kam thënë që nuk i plotëson prioritetet”, tha Zeka.
Top Channel
