Një person rreth 35 vjeç është qëlluar disa herë me thikë pranë banesës së tij në Fushë Mamurras.
35-vjeçari është dërguar me urgjencë në Spitalin e Traumës për ndihmë mjekësore, ndërsa policia e Kurbinit ndodhet në vendngjarje. Ende janë të paqarta shkaqet e ngjarjes dhe personat që kanë kryer plagosjen.
Rreth një orë më parë, një person u plagos me thikë në qytetin e Shëngjinit një person ende i paidentifikuar.
Gazetarja Brixhilda Deda raporton se i plagosuri është paraqitur vetë pranë spitalit të Lezhës, por për shkak të plagëve të marra është dërguar në spitalin e Traumës në kryeqytet. Sipas mjekëve, ai ndodhet jashtë rrezikut për jetën.
Ngjarja ka nisur si një konflikt i çastit mes disa personave, ndërkohë që ende nuk është bërë publik identiteti i të plagosurit.
Top Channel
