Juliana Nura është e eliminuara e natës së nëntë të “Dancing With The Stars”.
Në dance off me Irgen Çelën, të dy çiftet dhanë maksimumin duke elektrizuar skenën me Cha Cha-n. Ata kërcyen nën ritmet e Whitney Houston me të njëjtin minutazh, por jo njëkohësisht, duke i lënë pistën e vallëzimit njëri-tjetrit.
Në fund, juria e pati të vështirë zgjedhjen. Mirëpo, mund të kishte vetëm një fitues dhe ai në këtë rast, bazuar edhe në rritjen përgjatë netëve të shkuara, ka qenë Xhoda.
Por si votoi juria? Valbona Selimllari dhe Olta Gixhari vendosën të shpëtonin Irgenin duke e konsideruar atë surpriza e spektaklit që ka ende shumë për të dhënë. Ndërkaq, Lori Bala shpëtoi Julianën. I mbeti kryetarit të jurisë të ndante fituesin e Dance Off-it zgjedhja e të cilit ka vlerën e dy votave. Iliri vendosi të shpëtojë Irgenin, duke “dërguar” Juliana Nurën në shtëpi.
Valbona: Irgeni ka më shumë mundësi për të dhënë. Juliana nuk ndryshoi për të vënë në zbatim vrejtjet që ne i kishim bërë për posturën. Më vjen keq, por do shkoj me Irgenin.
Lori: Për mua janë dy personazhe që i kanë dhënë shumë skenës me një dëshirë të madhe për të ecur lartë dhe më lartë. Duke marrë parasysh përformancën e sotme dhe Dance Off-in, unë shkoj më Julin.
Olta: Si fillim dua të them që babi im e ka shumë qejf Julin. Shumë solare, shumë dinamike, i ka dhënë shumë këtij spektakli do të doja të përparoje më shumë dhe të kishe më shumë ndryshime. Për Xhodën do të thoja është surpriza e këtij spektakli. Për të gjitha performancat të gjitha vështirësitë që ke hasur, por për të qenë e sinqertë Xhoda ka qenë nga ata persona që megjithëse më ka pëlqyer që netët e para, nuk mendoja se do të shkonte gjatë. Më ka surprizuar dhe unë për këtë shkoj me Xhodën sot.
Iliri: Nuk është e thjesht për dy aspekte, e para sepse të dy VIP-at në këtë cha cha ishin shumë mirë, të lishëm, muzikal, vetëvetja, e shijuan atë që bënë. Më pëlqeu ky Dance Off. Së dyti, shoqërohen nga dy superbalerinë të cilët unë i vlerësoj pa masë për atë që i kanë dhënë kësaj skene, për karrierën e tyre. Kështu që është si të heqesh nga kjo skenë jo vetëm VIP-at por edhe profesionistët që i kanë dhënë kësaj skene pa masë. Unë nuk influencohem nga ulërimat sikurse edhe e keni parë, thjesht bazohem te ai që është instikti im si profesionist për të parë diçka më shumë te njëri ose te tjetri. Unë zgjedh Xhodën.
Në fjalët e fundit pas eliminimit, Juli tha se: “Ishte një eksperiencë super e mirë, të cilën e shijova shumë aq sa zgjati. Mendoj që, me disa fatkeqësi, nuk i kam dhënë skenës 100%. E di që kam mundësi edhe më shumë. Por, jo gjithmonë garat janë fituese dhe unë në këtë rast kam fituar zemrën e publikut, kështu që për mua kjo ka rëndësi.”
Top Channel
