Zbulohen detajet tronditëse rreth vdekjes së Liam Payne/ Këngëtari u hodh vetë nga ballkoni i hotelit, po përpiqej të arratisej nga… 25/11 16:24
Një nënë, që humbi betejën me një sëmundje, u sigurua që t’i jepte lamtumirën e fundit miqve të saj.
Casey McIntyre, nga Brooklyn në Nju Jork, njoftoi vdekjen e saj në “Instagram” të martën, në 14 nëntor, duke ngushëlluar njerëzit e saj të dashur.
Pas vdekjes nga kanceri i vezoreve të dielën, në 12 nëntor, faqja e 38-vjeçares në rrjetet sociale u përditësua me shkrimin prekës, që përmban disa foto të saj me familjen.
“Një shënim për miqtë e mi: nëse po e lexoni këtë, do të thotë se kam vdekur. Më vjen shumë keq. Shkak ishte një përsëritje e kancerit të diagnostikuar më parë në fazën e katërt. E kam dashur secilin prej jush me gjithë zemër dhe ju premtoj, e dija se sa thellë isha i dashuruar. Pesë muajt në bujtinë që kalova me familjen dhe miqtë në Virxhinia, Rhode Island dhe Nju Jork ishin magjike”, ishte shkrimi i gruas.
Më pas, bashkëshorti i saj Andrew Gregory, i shtoi mesazhit një deklaratë ku deklaronte se “Casey donte ta përfundonte këtë postim me një listë të gjërave që ishin ngushëllim dhe gëzim për të gjatë jetës dhe unë jam i lënduar që nuk do ta shoh kurrë atë listë”.
“Ajo u sëmur dhe nuk mund ta përfundonte shkrimin. Mendoj se do të përfshinte vajzën tonë Grace, balenat, akulloren, miqtë e saj të dashur, plazhin, mbesën dhe nipërit, me të cilët ishte shumë e dashur, leximi i 10 librave në një pushim njëjavor, prindërit dhe motrën e saj. Familje e madhe e mahnitshme, not, një sanduiç i përsosur me mish viçi të pjekur dhe unë, mjalti i saj”.
Nuk e di si do t’ia bëjmë pa ty Casey, shkruan ai më tej, duke marrë më pas mesazhe ngushëllimi nga ndjekësit.
Çifti u martua në vitin 2015 përpara se Casey të diagnostikohej me kancer në vezore në fazën në 2019. Një vit më parë, falë fertilizimit in vitro, ata sollën në jetë një vajzë, që e pagëzuan me emrin Grace.
Top Channel
