Një grua nigeriane ka vendosur rekordin botëror të Guinness pasi ka realizuar paruken më të gjatë të punuar me dorë.
Helen Williams krijoi një paruke që shtrihej deri në 351.28 metra.
Ajo shpenzoi 11 ditë dhe 2,500 dollarë për të krijuar modelin e flokëve. U deshën 1000 tufa flokësh, 12 llak flokësh, 35 tuba ngjitës flokësh dhe 6250 kapëse flokësh.
“Kjo arritje është një nga gjërat më të mira që më ka ndodhur ndonjëherë. Ende nuk mund ta besoj”, tha ajo.
Pavarësisht se ishte një krijuese paruke për tetë vjet, ajo tha se nuk ishte një detyrë e lehtë pasi ajo “ndihej e rraskapitur” gjatë procesit.
“Miqtë dhe familja më inkurajuan. Nuk doja t’i zhgënjeja, kështu që ruajta fokusin tim. Rezultati është paruka më e gjatë e bërë me dorë në botë,” tha ajo.
Pas përfundimit të flokëve, gjetja e një vendi për ta shtruar dhe matur me saktësi ishte e vështirë. Ajo zgjodhi ta vendoste atë në një autostradë që lidh qytetet e Lagos dhe Abeokuta më 7 korrik.
Rekordet Botërore Guinness konfirmuan rekordin të martën.
Zonja Williams ka ekspozuar parukën në zyrën e saj në mënyrë që njerëzit të mund të vijnë dhe të shikojnë përpjekjet e saj për të vendosur rekord.
Në fillim të këtij viti, Hilda Baci bëri bujë në Nigeri kur theu rekordin botëror për të gatuar pa pushim. Por ajo u rrëzua nga irlandezi Alan Fisher disa javë më parë.
Top Channel
