![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një 57-vjeçar është përplasur për vdekje këtë mbrëmje në Durrës.
Shtetasi me iniciale S.V. po udhëtonte me biçikletë në segmentin rrugor Fllak-Bisht Kamëz, kur u godit nga një automjet me shofer 54-vjeçarin me iniciale A.K.
57-vjeçari ndërroi jetë në vendngjarje, ndërsa shoferi u shoqërua në Komisariat.
Nuk dihet nëse kanë qenë shkelje rregullash nga ana e drejtuesit të makinës ose biçikletës, apo shkaqe të tjera që shkaktuan aksidentin.
Ky është aksidenti i dytë tragjik, që ndodh brenda pak orësh.
Gjatë pasdites, një aksident me pasojë vdekjen u shënua në afërsi të liqenit artificial të Tiranës. Si pasojë e përplasjes së dy mjeteve me njëra-tjetrën, humbi jetën një i ri, student në vitin e tretë të Akademisë së Sigurisë.
Top Channel