Një romancë mes Sara Hoxhës dhe reperit gjerman? Zbulohet për herë të parë e vërteta… 31/05 22:58
Teksa ai ishte në dush, e reja kishte futur në apartamentin e tij luksoz miqtë e saj që më pas e lidhën, e prangosën dhe e terrorizuan.
Një modele e njohur në rrjet është burgosur për 23 vjet pasi u takua ‘për seks’ me një biznesmen të pasur, por bashkë me bandën e saj e lidhën atë, e torturuan dhe e grabitën, u tha në gjyqin e çështjes.
Abel Landim ishte bërë objekt torturash të ndryshme nga të rinjtë, madje i dashuri i modeles Roani da Silva Sampaio i kishte vënë pistoletën në kokë dhe luante me “ruletë ruse”.
Sampaio kishte rënë dakord të takohej me Landim në apartamentin e këtij të fundit në Teresina, Brazil, në shkurt 2021.
Teksa ajo i kishte kërkuar të bënte një dush, kishte futur brenda të dashurin Francisco Moises Sousa Batista dhe dy bashkëpunëtorë të tjerë për të realizuar planin e tyre të sëmurë.
Pasi e kishin prangosur biznesmenin e pasur me fasheta plastike, i dashuri i modeles, Batista e kishte rrahur pa mëshirë dhe me një revolver me dy plumba e terrorizonte për t’i treguar ku gjendeshin sendet me vlerë.
Prokurorët e Teresina thanë se pas fushatës së terrorit Landim ishte dorëzuar duke i treguar bandës paratë dhe sendet me vlerë
Nga pamja e kamerave të sigurisë që u panë në gjyq shihen grabitësit që godasin derën e apartamentit të viktimës së tyre, të armatosur me një pistoletë dhe një automatik.
Por para se të kryenin grabitjen e tyre biznesmeni kishte arritur të lajmëronte policinë që arrestoi në flagrancë modelen dhe të dashurin e saj.
Në gjyqin e 29 tetorit, gjykatësi João Antonio Bittencourt Braga Neto i dha modeles dënimin e rëndë 23 vjet e katër muaj burg.
I dashuri i saj Batista dhe bashkëpunëtori Jean Carlos u burgosën veçmas për 20 vjet, ashtu si dhe anëtari i katërt i bandës Thiago Ruan Martins de Sousa.
Top Channel
