Një asteroid do të kalojë sot jashtëzakonisht shumë pranë Tokës, publikohen pamjet, ja mbi cilin shtet do të “fluturojë” 11/04 18:42
Një shfaqje e pabesueshme e fishekzjarrëve qiellorë mund të vërehet midis 21-22 tetorit, ndërsa copëzat e lëna nga kometa e Halley do të ndriçojnë qiellin e natës, nëse moti ju lejon ta shihni.
Shiu i meteorëve Orionid, i cili ka vazhduar gjatë gjithë muajit, arrin kulmin për disa orë mbrëmjen e së shtunës dhe të dielën në mëngjes, duke ju ofruar mundësinë më të mirë të mundshme për ta parë vetë spektaklin.
Çfarë mund të shihni?
Shiu i meteorëve pritet të paraqesë një shfaqje dramatike të dritës dhe potencialisht të prodhojë deri në 25 meteorë çdo orë deri në mëngjesin e hershëm të së dielës.
Çfarë është?
Shiu i Meteorëve Orionid që mund të shohim këtë fundjavë është rezultat i kalimit të Tokës përmes copëzave të kometës Halley.
Sa herë që Halley kthehet në sistemin e brendshëm diellor, bërthama e saj hedh akull dhe pluhur shkëmbor në hapësirë. Kokrrat e pluhurit përfundimisht bëhen Orionidë në muajin tetor.
Fenomeni e ka marrë emrin nga yjësia e Orionit, e cila është një nga grupet më të shndritshme të yjeve në qiell.
Meteoroidët mund të udhëtojnë me shpejtësi të madhe prej 148.000 milje nëpër atmosferën e Tokës dhe të shfaqen si vija të mëdha drite.
Toka dhe kometa e Halley-s kryqëzohen dy herë në vit për shkak të orbitave të tyre eliptike rreth Diellit. Kjo krijon Orionidët, si dhe shfaqjen e meteorëve Eta Aquariid në muajin maj.
Me kometën që lëviz pranë Tokës vetëm një herë në 75 deri në 76 vjet, ky shi meteorësh vjetor ofron njëfarë kompensimi për ata që mund të humbasin atë ngjarje të rrallë.
Top Channel
