Transportonte emigrantë nga Siria, shpallet në kërkim 57-vjeçari nga Kosova/ Çmimi i kripur që kërkonte
09/10/2023 13:13
Kultivuan qindra bimë kanabis në pyllin e fshatit Mukje, arrestohen 2 persona në Krujë 09/05 09:11
Një 57-vjeçar nga Kosova është shpallur në kërkim pasi transportonte emigrantë nga Siria me furgon.
Polici konstatoi në Milot se 57-vjeçari R. S., po transportonte drejt Kosovës 29 emigrantë të cilët synonin të kalonin kufirin, ilegalisht.
Sipas hetimeve të policisë, këtë veprimtari kriminale ai e kryente kundrejt pagesës, që varion 1000-8500 euro për person.
Sapo ka parë shërbimet e Policisë, burri ka braktisur furgonin dhe duke përfituar nga errësira, ka mundur të largohet.
“Si rezultat i administrimit të menjëhershëm të informacionit të siguruar nga inteligjenca policore, për një rast të transportimit të disa emigrantëve, specialistët e Seksionit për Hetimin e Trafiqeve të Paligjshme të DVP Lezhë dhe ata të Njësisë së Policisë Rrugore për Sigurinë e Autostradës “Milot-Morinë”, kanë organizuar operacionin policor të koduar “Korsia”, në kuadër të të cilit është identifikuar dhe shpallur në kërkim shtetasi kosovar R. S., 57 vjeç, banues në Kosovë“, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
Top Channel
