Perezin e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Bashkësia Ndërkombëtare ka dënuar sulmin terrorist të 24 shtatorit ndaj Policisë së Kosovës, ku mbeti i vrarë rreshteri Afrim Bunjaku.
Por, krahas kësaj kërkojnë nga Prishtina dhe Beogradi të kthehen në tavolinën e diskutimit për të evituar çdo përshkallëzim të mundshëm. Megjithatë, Presidentja e Kosovës, Vjosa Osmani ka kërkuar fillimisht sanksionimin e Serbisë që e sheh përgjegjëse për sulmin terrorist e siç thotë ajo, pastaj diskutimin. Të njëjtin kusht ka edhe Qeveria si udhëheqëse e negociatave e palës kosovare në dialog.
“Ajo çka ka ndodhur me 24 shtator në fshatin Banjskë ka qenë cenim i sovranitetit shtetëror, integritetin territorial dhe sigurisë kombëtar, si asnjë herë më parë prej përfundimit i luftës. Tani kemi një situatë krejt të re me prioritete tjetra urgjente e që kanë të bëjnë me adresimin e pasojave të sulmit terrorist të sponsorizuar nga Serbia. Ajo çka është e domosdoshme të ndodhë aktualisht është garantohet siguri për Kosovën dhe vendosen sanksione për Serbinë”, tha zëdhënësi i Qeverisë së Kosovës, Përparim Kryeziu në një përgjigje për Top Channel. Njohësit e marrëdhënieve ndërkombëtare thonë që Kosova duhet të kthehet në dialog me kushte.
“E para që duhet të diskutohet dhe të ndodhë menjëherë nga Bashkimi Evropian është largimi i sanksioneve ndaj Kosovës. Nën dy, e që është më kryesorja që duhet të kërkohet është një dialog mes Kosovës dhe BE-së që po shihet se ka një mungesë të madhe në ketë mes. Duhet të hapet një dialog Kosovë-BE me ndërmjetësim të SHBA-ve”, shprehet Dritëro Arifi, njohës i marrëdhënieve ndërkombëtare.
Takimi i fundit në Bruksel në nivel të lartë të dialogut mes Kryeministrit të Kosovës, Albin Kurtit dhe Presidentit të Serbisë Aleksandar Vuçiç ishte më 14 shtator, dhjetë ditë para sulmit terrorist.
Top Channel
