“Ulet me 0.25% norma bazë e interesit”/ Guvernatori Sejko: Shkon në 2.75%, kontrollojmë goditjet mbi inflacionin
06/11 20:08
Shqipëria vazhdon të presë qindra e mijëra turistë. Çdo ditë në qendër të qytetit të Elbasanit qëndrojnë me dhjetëra autobusë me turistë nga vende të ndryshme të botës.
Të ardhur në këtë periudhë të vitit ata shprehin më shumë interes për qytetet me një kulturë dhe histori të lashtë. Në Elbasan kalaja është destinacion i parë që vizitohet ku edhe guidat i mëshojnë bashkëjetesës së shkëlqyer fetare që më së miri demonstrohet brenda kalasë së Elbasanit.
“Unë jam nga SHBA. Është hera ime e parë në Shqipëri. Sapo kam mbërritur nga Shkupi, nga Maqedonia Veriut. Nuk kisha parë kurrë vende të Evropës Lindore dhe vendosëm të vijmë. Sapo kam mbërritur në këtë vend dhe kam parë gjëra shumë të bukura, peizazhe shumë bukura, male. Jam pozitive që ky udhëtim do të jetë shumë i bukur”, tha një turiste.
“Unë vij nga Holanda. Sapo kam mbërritur dhe shoh kaq shumë njerëz dhe turistë. Isha i interesuar për historinë e Shqipërisë. Më ka bërë përshtypje natyra shumë e bukur”, tha një turist.
“Unë jam nga Karolina e Veriut. Është hera ime e parë në Shqipëri. Erdhëm nga Maqedonia e Veriut në një tur. Kam dëgjuar që Shqipëria është vend unik dhe jam shumë e interesuar në vendet që janë shkëputur nga Bashkimi Sovjetik. Kam dëshirë të shoh si kanë ndryshuar këto vende që tashmë janë vende demokratike”, tha një tjetër turist.
Përpara se të vijojnë rrugëtimin e tyre nëpër Shqipëri, turistët shprehin interes edhe për Muzeun Etnografik i cili pasqyron jetën e një familje qytetare elbasanase shekuj më parë. Natyra e bukur shqiptare dhe mikpritja janë dy përshtypjet që të huajt marrin me vete teksa largohen.
Top Channel
