Sokratis Famellos zgjidhet lideri i ri i Syriza-s/ Do përballet me sfidën e unitetit dhe rimëkëmbjes 25/11 11:26
Detaje të reja janë zbuluar nga ngjarja e rëndë që ndodhi në Londër ditën e sotme, ku një 15-vjeçare humbi jetën pasi u godit me thikë nga një adoleshent.
Sipas hetimeve 17-vjeçari e goditi për vdekje 15-vjeçaren pas një debati që filloi me të duke u përpjekur t’i jepte lule, ndërsa ajo po shkonte me autobus për në shkollën e saj private 19,350 paund në vit në jug të Londrës.
Viktima, një nxënëse në Old Palace of John Whitgift School në Croydon, u sulmua në orën 8:30 të mëngjesit – më pak se një milje larg portave të shkollës.
Vendasit thonë se panë një grup nxënësish duke zbritur nga autobusi Nr 60 jashtë Qendrës Whitgift, ku një sherr mes vajzës dhe djalit – të cilët ishin të dy me uniformë shkolle – ‘shpërtheu’ në një rrugë me këmbësorë.
Chevanice Thomas, shoqja e së cilës pretendon se ka qenë dëshmitare e goditjes me thikë, tha se vajza kishte refuzuar lulet nga djali pak momente përpara se ai ta sulmonte atë me një thikë që i ngjante ‘një shpate’. Një tjetër dëshmitare pohoi se e kishte dëgjuar vajzën duke thënë se “nuk donte të dilte më me të”.
Shoferi i autobusit dhe një pasagjer u përpoqën me dëshpërim për t’i shpëtuar jetën vajzës, por ajo vdiq në vendngjarje në orën 9:21. Oficerët arrestuan djalin 17-vjeçar në New Addington aty pranë në orën 9:45 të mëngjesit.
Sot, shefi i policisë Metropolitane, mbikëqyrësi Andy Brittain tha se detektivët besojnë se djali e njihte viktimën.
Shkolla Old Palace of John Whitgift është një shkollë për vajza dhe renditet vazhdimisht si një nga më të mirat në Londër.
Top Channel
