Foto/ Bella Hadid pas sëmundjes së rëndë shfaqet tullace dhe e veshur si robot

Në disa foto të këtij seti 26-vjeçarja shihet tullace, si robot me një veshje metalike. Në disa foto të tjera ajo ka pozuar nudo.

Së fundmi, Bella Hadid ka kaluar një problem të rëndë shëndetësor pasi përmes rrjeteve sociale u ka treguar miliona ndjekësve të saj, se si e kaloi fazën e trajtimit të sëmundjes Lyme.

Në fotot e publikuara, ajo shfaqej me tuba dhe fasha në krah, duke iu nënshtruar trajtimit për sëmundjen Lyme dhe e shtrirë në shtrat.

Në mbishkrimin e fotove gjatë trajtimit të sëmundjes, ajo ka shkruar: Vetja ime e vogël që vuajti do të ishte shumë krenare për veten time të madhe që nuk u dorëzua. Faleminderit mamasë sime që mbante të gjitha dosjet e mia mjekësore, që ishte pranë meje, që nuk më la kurrë, që më mbrojti, që më mbështeti, por mbi të gjitha që besoi tek unë gjatë gjithë kësaj.

Të jetuarit në këtë gjendje, e cila u përkeqësua me kohën dhe punën, ndërsa përpiqesha të bëja krenarë veten, familjen time dhe njerëzit që më mbështesin, më kishte dëmtuar në mënyra që nuk mund t’i shpjegoj. Të qenit kaq e trishtuar dhe e sëmurë me kaq shumë bekime/privilegje/mundësi/dashuri rreth meje ishte ndoshta gjëja më konfuze që kam përjetuar ndonjëherë. Një gjë që dua t’ju shpreh të gjithëve është se 1: Unë jam mirë dhe ju nuk keni nevojë të shqetësoheni, dhe 2: Unë nuk do të ndryshoja asgjë për botën. Nëse do të më duhej t’i kaloja të gjitha këto përsëri, për të arritur këtu, pikërisht në këtë moment ku jam tani, me të gjithë ju, më në fund e shëndetshme, do ta bëja përsëri nga e para. Më bëri kjo që jam sot.

Universi funksionon në mënyrat më të dhimbshme dhe të bukura, por më duhet t’ju them se nëse luftoni, do të bëhet më mirë. Unë premtoj. Hidhni një hap larg, qëndroni të fortë, besoni në rrugën tuaj, ecni në të vërtetën tuaj dhe retë do të fillojnë të pastrohen. Kam shume mirënjohje për jetën, këto 100+ dite Lyme, sëmundje kronike, mjekim koinfeksioni, gati 15 vjet dhimbje te padukshme, ja vlente nëse do te arrija, dashtë Zoti, të kem një jete të tërë për të përhapur dashuri dhe të jem në gjendje të jem vërtet vetvetja, për herë të parë në histori.

U përpoqa të zgjidhja imazhet më pozitive që munda, sepse sado e dhimbshme të ishte kjo përvojë, rezultati ishte përvoja më ndriçuese e jetës sime e mbushur me miq të rinj, vizione të reja dhe një mendje të re.

Faleminderit për durimin e kompanive të pabesueshme për të cilat punoj, mbështetësve të mi dhe njerëzve që vazhduan të shqetësoheshin për mua. Faleminderit doktoreshës sime gjeniale dhe ekipit të saj të pabesueshëm të infermierëve. Të dua shumë!!! Do të kthehem kur të jem gati. Më mungoni shumë të gjithë. Ju dua shumë të gjithëve.

Çfarë është sëmundja Lyme

14% e popullsisë në Tokë, ose të paktën një në shtatë persona, ka ose ka pasur sëmundjen Lyme, e cila transmetohet nga rriqrat.

Sipas medias greke ygeiamou.gr, një studim shkencor ndërkombëtar, i cili bazoi vlerësimet e tij në praninë e antitrupave në gjak, tregoi se Evropa Qendrore dhe Perëndimore, si dhe Azia Lindore, janë rajonet me përhapjen më të madhe të sëmundjes, e cila kryesisht prek meshkujt mbi 50 vjeç në zonat jourbane.

Studiuesit, të cilët bënë publikimin përkatës (shqyrtim sistematik dhe meta-analizë) në revistën mjekësore britanike “BMJ Global Health”, analizuan të dhënat nga 137 studime deri në vitin 2021, ku përfshiheshin gjithsej 158,287 persona. Prania e antitrupave kundër sëmundjes në gjak u vlerësua në 14.5%, një përqindje më e lartë se sa pritej.

Infeksioni Borrelia, i njohur më mirë si sëmundja Lyme, është forma më e zakonshme e sëmundjes që transmetohet nga rriqrat. Simptomat kryesore janë ënjtja dhe skuqja në vendin e pickimit të rriqrës, ndërsa infeksioni më pas mund të përhapet në inde dhe organe të tjera të trupit të njeriut, duke prekur sistemin nervor, kyçet, zemrën dhe lëkurën.

Sëmundja vazhdon të përhapet ndërkombëtarisht, por deri më tani nuk kishte asnjë marrëveshje midis shkencëtarëve se sa e zakonshme është ajo në mbarë botën ose cilët janë faktorët kryesorë të rrezikut (gjithkush që është pickuar nga rriqrat gjatë jetës së tij është gjithsesi në një grup me rrezik të lartë) . Studimi i ri tregon se rajonet me prevalencën më të lartë janë Evropa Qendrore (21% e popullsisë), Azia Lindore (16%) dhe Evropa Perëndimore (13.5%), ndërsa prevalenca më e ulët është regjistruar në Karaibe (2%). në Azinë Jugore (3%) dhe Oqeani (5.5%).

Përhapja e sëmundjes, bazuar në praninë e antitrupave në popullatë ishte më e madhe në dekadën e fundit 2010-2021 sesa në dekadën e mëparshme 2001-2010. Shpjegimet e mundshme për këtë janë vera më të gjata dhe më të nxehta, më pak reshje, migrime gjithnjë e më të shpeshta të kafshëve, tokë e punueshme gjithnjë e më e fragmentuar dhe më shumë kohë në kontakt njerëzor me gjithnjë e më shumë kafshë shtëpiake.

Përfundimi i studiuesve është se “përhapja globale e sëmundjes është relativisht e madhe, por Lyme nuk ka marrë vëmendjen që meriton në mbarë botën”.

Top Channel