LIVE ITALI-SHQIPËRI/ Tjetër gol nga “Azzurri”, Barella përmbys takimin (VIDEO) 15/06 21:19
Kristi Gongo erdhi krejt ndryshe në emisionin më të ri që nisi sot në Top Channel, “Punë pa teka”.
Ajo tregoi sekretet e punës në minierë, në një mjedis shumë të komentuar për rrezikun e aksidentet e ndodhura e ku jo pak herë janë shënjuar ngjarje tragjike. Frika e Kristit ndihej, ndryshe nga punonjësit e tjerë, të cilët madje e vlerësonin punën në minierë si asgjë të jashtëzakonshme.
“Në minierë jam si në shtëpi”, shprehej vagonisti Adriatik Ahmeti. Por për vetë autoren e programit ishte një eksperiencë sfiduese ku u përball edhe me shpërthime brenda minierës. Por sa më thellë nëntokës futej, Kristi mori guximin për të shpërthyer vetë dinamitin. Por para se të ndërmerrte veprimin, nuk i shteronin pyetjet.
Biseda gjatë shpërthimit
Drejtuesi teknik: Ky blloku nuk thyhet dot me varre, atëherë detyrohemi ta copëtojmë me lëndë plasëse. Eksplodimet ti Kristi, si punonjëse e re, duke qenë se je e sigurt, do të ta lë si ty që të bësh shpërthimin.
Kristi Gongo: Sa metra larg duhet të qëndrosh?
Drejtuesi teknik: 60 metra nëse është me kthesa, nëse është drejt duhet të rrish 100 metra.
Kristi Gongo: Ka rrezik që të ndodh shpërthimi tani?
Drejtuesi teknik: Tani bëhet lidhja, mos ki merak. Duhet energjia që të ndodh.
Kristi Gongo: Nuk ke frikë?
Zamtari: Jam mësuar unë tani, jam trajnuar për këtë punë, kam 5 vjet këtu.
Drejtuesi teknik: Duhet të largohemi tani… s’ka punonjës, ecim… Shkojmë te strehimi të bëjmë shpërthimin… Ja arritëm.
Kristi Gongo: Mua më duket shumë afër, shumë e rrezikshme. Më duket sikur do më plas në dorë!
Drejtuesi teknik: Nuk ka rrezik. Kjo ngjyra jeshile tregon që linja është në rregull. E kuqja tregon që aparati është karikuar. Tani këtë butonin ti duhet ta vendoësh këtu.
Kristi Gongo: Nuk më gjen gjë ee?
Drejtuesi teknik: Mos ki merak, asgjë.
Kristi Gongo: O zot, më ndihmo.
Top Channel
