Edhe pse lodhja mund të jetë një simptomë e sëmundjeve të ndryshme si çrregullimet e tiroides, mungesa e hekurit është më shpesh fajtori që fshihet në disa zakone të këqija të jetesës që ne ndjekim, përkatësisht:
Konsumimi i tepërt i karbohidrateve të rafinuara
Karbohidratet janë karburanti kryesor i trupit. Megjithatë, mbikonsumimi i karbohidrateve të rafinuara mund të çojë në një ndjenjë lodhjeje, për shkak të një rritjeje të mprehtë të niveleve të sheqerit në gjak e ndjekur nga një rënie po aq e shpejtë. Nevoja për më shumë energji përmes sasive shtesë të karbohidrateve të tilla çon në një cikël vicioz të luhatjeve të sheqerit në gjak që lodhin trupin.
Prandaj, përpiquni t’i zëvendësoni me fruta dhe perime që janë të pasura me fibra bimore.
Jeta sedentare
Aktiviteti i zvogëluar fizik shpesh fshihet pas mungesës së energjisë dhe lodhjes.
Megjithatë, ky problem specifik mund të zgjidhet vetëm në një mënyrë: përmes ushtrimeve dhe rritjes së aktivitetit fizik në jetën tonë.
Mungesa e proteinave
Është vërtetuar se proteinat përshpejtojnë metabolizmin dhe, përveçse janë aleatë në humbjen e peshës, mund të ndihmojnë edhe në zvogëlimi e lodhjes. Sipas disa studimeve, aminoacidet me zinxhir të degëzuar (BCAA) që aktivizojnë prodhimin e proteinave mund të reduktojnë lodhjen.
Hidratim i pamjaftueshëm
Hidratimi adekuat është lëvizja kryesore që siguron energji për trupin që humbet ujin përmes një sërë procesesh biokimike si urinimi dhe djersitja.
Rëndësia e tij është theksuar nga studimet të cilat kanë arritur në përfundimin se dehidratimi i moderuar mund të zvogëlojë nivelet e energjisë dhe aftësinë për t’u përqendruar.
Rritja e stresit
Stresi intensiv dhe pamundësia për ta menaxhuar atë janë shoqëruar me ndjenjën e lodhjes dhe me pak energji.
Mund të duket e vështirë në ritmin e shpejtë të jetës së përditshme, megjithatë lehtësimi i stresit mund të arrihet përmes teknikave të tilla si joga dhe meditimi ose duke adoptuar modele specifike diete.
