![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Një grua e zhveshur në Kaliforni doli nga makina e saj në një nga urat më të ngarkuara me trafik të vendit dhe filloi të qëllonte me armë ditën e martë.
Incidenti i çuditshëm ndodhi gjatë orës së pikut në Urën e Gjirit San Francisko-Oakland, sipas Patrullës së Autostradave të Kalifornisë. Gruaja ndaloi në mes të korsisë, doli nga makina e saj me thikë dhe filloi të bërtiste drejt shoferëve të tjerë, sipas policëve.
Më pas ajo u kthye në makinë dhe vazhdoi të udhëtonte për në Oakland, por u ndal përsëri dhe doli nga makina, këtë herë me një armë dhe e zhveshur.
Sipas policisë gruaja e zhveshur filloi të qëllonte para makinave. Nga videot e filmuara ajo shihet duke ecur dhe duke qëlluar me armë në ajër, para se oficerët të mbërrinin në vendngjarje dhe ta bindnin atë të hidhte armën.
Sipas policisë nuk u raportua për të lënduar, dhe motivimi i të dyshuarës është i paqartë.
Top Channel