“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Zyra e Bashkimit Evropian në Kosovë, ka dënuar dhunën që ka ndodhur të enjten në Kuvendin e Kosovës midis deputetëve dhe ministrave të Qeverisë së Kosovës.
Shefi i Zyrës së BE në Kosovë, Tomas Szunyog ka shkruar nw Twitter se sulmet fizike qw kanw ndodhur të enjten janw zhgënjyese, derisa ka shtuar se Kuvendi i Kosovws nuk është vend ku mund të ushtrohet dhunë.
“Skena zhgënjyese dhune janë parë sot në Kuvend. Kuvendi nuk është vend për sulme fizike, por vend për të diskutuar propozimet dhe politikat në mënyrë demokratike. Diskutimet dhe shkëmbimi i ideve janë bazat themelore të një demokracie”, ka shkruar Szunyog në Twitter.
Gjatë fjalimit të kryeministrit Albin Kurti në seancën e sotme të Kuvendit, deputetë e ministra janë përfshirë në përleshje fizike.
Deputeti i Partisë Demokratike të Kosovës në drejtim të foltores së Kuvendit, Mërgim Lushtaku, ka hedhur ujë në drejtim të Kurtit dhe zëvendëskryeministrit Besnik Bislimi. Ky i fundit e ka hedhur shishen në drejtim të tij. Më pas, Lushtaku e ka shtyrë ministrat Hekuran Murati dhe Albulena Haxhiun. Kjo e fundit është dëgjuar të thotë “a je normal”.
Ndërkaq, kryetari i Kuvendit të Kosovës, Glauk Konjufca ka thirrur Policinë brenda sallës së parlamentit./ Kosovapress
Top Channel
