79-vjeçari përplaset për vdekje në Elbasan/ Tri viktima në aksident brenda ditës!
10/07/2023 22:08
LAJM I FUNDIT/ E rëndë në Lushnjë, familjarët gjejnë të vetëvarur 68-vjeçarin 20/05 10:01
Një këmbësor është përplasur për vdekje nga një makinë këtë mbrëmje në Elbasan.
Një mjet tip “Benz”, që drejtohej nga një 34-vjeçar ka përplasur 79-vjeçarin në fshatin Mengel, në aksin rrugor Elbasan-Librazhd.
I moshuari ka ndërruar jetë pasi ka mbërritur në spital. Nuk dihen shkaqet e aksidentit, ndërsa për ngjarjen ka nisur një hetim.
Zona e Labinotit gjithmonë është problematike përsa u përket aksidenteve ku përfshihen këmbësorët. Shkak, fakti që mjetet lëvizin me shpejtësi në këtë rrugë, e cila është segment kombëtar, ndërkohë që përshkon shumë zona të banuara.
Ky është aksidenti i tretë tragjik i kësaj të hëne në vendin tonë.
Më herët, një 74-vjeçar humbi jetën në Cërrik, pasi u përfshi në një aksident me zetor në një rrugë rurale, në fshatin Dëshiran. Shtetasi me inicialet R. Q., po drejtonte mjetin bujqësor, kur ka humbur kontrollin. Zetori e ka zënë poshtë, duke i marrë jetën.
Ndërkohë, gjatë paradites, një tjetër aksident me pasojë vdekjen u shënua në aksin rrugor Lezhë-Shkodër në afërsi të Balldrenit.
Një makinë përplasi një motor dhe për pasojë mbeti i vdekur drejtuesi i motorit 78 vjeç.
Top Channel
