“Debat i madh në mbarë botën”, Duma për surrogacinë: Shtetet vënë në balancë përfitimin nga evolucioni mjekësor dhe mbajtjen e disa vlerave tradicionale konservatore
24/04 23:47
Avokati Spartak Ngjela deklaron se Vuçiç bëri një gabim foshnjarak, duke nxitur serbët e Veriut të Kosovës për të mos marrë pjesë në zgjedhje.
I ftuar në “Top Story”, Ngjela tha se nuk ka gabim ligjor me zgjedhjet në veri sepse në momentin që bojkoton zgjedhjet je i predispozuar të humbasësh, duke i dhuruar fitoren pakicës.
Avokati e konsideroi Vuçiçin njeri të pavlerë dhe vegël të Millosheviçit, ndërsa theksoi se politika amerikane s’e ka braktisur Kosovën. Sipas Ngjelës, Amerika nuk mund të braktis shqiptarët sepse pa mbështetjen e tyre në Ballkan, e ka të humbur luftën me Rusinë.
“Duhet ta shikojmë problemin nga një optikë më racionale dhe më faktike. Së pari ka ndodhur që një palë ka abstenuar nga zgjedhjet. Zgjedhjet janë kujdesenca e demokracisë.
Ata nuk morën pjesë në zgjedhje dhe kjo ishte në favor të shqiptarëve. Nëse ti nuk merr pjesë në zgjedhje je shumica, po abstenove je me pakicën. Atëhere pakica hyri në zgjedhje dhe nxori përfaqësuesit e vetë. Ata gabuan rëndë.
Menjëherë pas kësaj politika amerikane i fitoi zgjedhjet. Pse? S’kishte si. Përndryshe dilte jashtë doktrinës së demokracisë. Edhe njëherë. Nesh ne të tre këtu jemi dy me një, dhe njëri vendos të abstenoj këtu, fitoi unë. Pra s’ka ndodhur asnjë defekt ligjor.
Këtë tha edhe politika amerikane menjëherë pas zgjedhjeve. Vijmë tani tek pozicioni administrativ. Ata bënë gabim. Ishte një gabim foshnjarak i Vuçiçit, ai është njeri pavlerë. Është i Millosheviçit, e dinë të gjithë se nga vjen. Pse e bëri ai këtë? S’pyesin ata për ato 3-4 komunat e vogla. Ata duan këtë që është masë kompakte në Veri, sepse po t’i hyjmë ekonomisë, ajo Trepçja që shikoni atje është 60% e GDP-së. Pra nuk është lojë që dua kaq pëllëmbë tokë.
Ata nuk rezistojnë vetëm sepse politika amerikane nuk i ka lënë akoma. Nuk mund t’i lërë sepse pa shqiptarët në Ballkanin Perëndimor, politika amerikane humbet luftën me Rusinë. Këtë ua garantoj unë”- tha Ngjela.
Top Channel
