Nga ditët pa bashkëshortin te skenat nudo, rrëfehet aktorja e njohur e Pirates of the Caribbean: Familja më ndihmoi kur u diagnostikova me… 23/11 21:01
Në disa momente tmerruese të kapura në kamera një peshkaqen i bardhë del si përbindësh nga uji duke tentuar të kapë mishin disa pëllëmbë larg turistëve në një barkë shëtitjeje në Afrikën e Jugut.
Pamjet e rralla tregojnë bishën e detit 4 metra të gjatë që del nga oqeani për të kapur një copë të madhe mishi që ishte nxjerrë enkas, duke e marrë me dhëmbët e tij të mprehta, e duke e tundur derisa e çliron nga filli.
Ai në pamje ishte një nga katër peshkaqenët që silleshin rreth barkës turistike pranë plazhit Klein Brak në gjirin Mossel Bay, në Afrikën e Jugut.
Video dhe imazhet tregonin predatorët gjigantë që regjistroheshin nga turistët britanikë dhe zhytësit në një kafaz hekuri që tërhiqej nga barka.
31 vjecari britanik Mark Graham, ishte duke drejtuar grupin turistik në shititjen mes peshkaqenëve që zgjati rreth katër orë.
Mark tha se ishte i kënaqur me regjistrimet dhe aventurën duke thënë se jo gjithmonë peshkaqenët e hapur janë kaq të uritur dhe agresivë.
Ai tha: “Asnjë nuk u frikësua, edhe turistët që nuk donin të futeshin në ujë më pas ndryshuan mendje dhe hynë në kafaz për eksperiencën me peshkaqenët.
“Peshkaqenët e bardhë janë zakonisht të ngadaltë dhe kuriozë, duke qëndruar vetëm poshtë barkës dhe kafazit për të investiguar”.
Kështu që kur kemi ditë të tilla aktive është e mrekullueshme të shikosh predatorët të dalin nga uji duke sulmuar karremin që i nxjerrim”.
Mark shtonte: “Nuk mendoj se është i justifikuar i gjithë reputacioni tyre si kafshë të frikshme pasi peshkaqenët vrasin mesatarisht një njeri në vit, pesë sulme fatale ndodhën në vitin 2022, ndërkohë që njerëzit vrasin rreth 11,000 peshkaqenë në orë”.
“Nëse keni shansin t’i shikoni ata në botën e egër, ju garantoj se do të ndryshoni mendim”.
Top Channel
