Zbulimi amerikan paralajmëron votuesit: Vendet e huaja po përpiqen të kenë ndikim tek zgjedhjet 08/10 22:53
Ish-presidenti Donald Trump ka paditur Michael Cohen për 500 milionë dollarë dëmshpërblim për shkeljen e kontratës së tij si ish-avokat personal i tij.
Padia, e paraqitur në një gjykatë federale në Florida të mërkurën, akuzon Cohen për përhapjen e informacionit të rremë rreth Trump dhe shkeljen e detyrimeve të tij kontraktuale ndaj ish-presidentit në deklaratat publike të Cohen, libra të botuar, seri podkaste dhe paraqitje të tjera në media.
Cohen, “rregulluesi” i dikurshëm i Trump, kohët e fundit është kthyer në qendër të vëmendjes kombëtare pasi Trump u deklarua i pafajshëm javën e kaluar për 34 akuza për falsifikimin e të dhënave të biznesit pas një hetimi për pagesat e parave të heshtura të bëra yllit të filmit për të rritur Stormy Daniels. Pagesat u koordinuan nga Cohen në ditët para zgjedhjeve të 2016-ës dhe bashkëpunimi i Cohen me prokurorët ka shkaktuar zemërimin e ish-presidentit.
“Zoti Trump po përdor dhe abuzon edhe një herë sistemin gjyqësor si një formë ngacmimi dhe frikësimi kundër Michael Cohen”, tha në një deklaratë Lanny Davis, avokati i Cohen.
Ekipi ligjor i Trump tha në padi se ish-presidenti nuk ka “asnjë alternativë veçse të kërkojë korrigjim ligjor” për të luftuar një Cohenin, për të cilin ata pretendojnë se kohët e fundit ka shtuar deklaratat e rreme për ish-shefin e tij.
Top Channel
