Tjetër tragjedi në ujërat greke! Përmbytet gomonia, vdesin 8 emigrantë 25/11 13:24
Benard Ndreca
Deputetët e Komisionit të Sigurisë, Eduard Noka, Ervin Salianji, Isuf Çelaj dhe Lindita Metaliaj janë nisur drejt Vaut të Dejës, për t’u takuar me kreun lokal të “Rithemelimit”, që u sulmua me tritol një ditë më parë.
Deputetët do të takohen me Benard Ndrecën, i cili thotë se tritoli që shpërtheu në mjetin e tij është vënë për qëllime politike.
Në orët e para të së martës, dy persona të maskuar vendosën një sasi prej 30 gram lëndë plasëse në makinën e kreut lokal të “Rithemelimit”. Tritoli u aktivizua sapo Ndreca nisi të ngasë mjatin. Ai shpëtoi pa lëndime, ndërsa për ngjarjen janë pyetur deri më tani në polici gjashtë persona.
Atentati ndaj Ndrecës ishte sulmi i dytë me tritol në Vaun e Dejës, pasi më 5 mars, lënda plasëse iu vendos edhe zyrave të OSHEE, sinjale këto që fushata elektorale në këtë bashki, mund të jetë e tensionuar.
Top Channel
