Plagoset me armë zjarri 15-vjeçari në Lezhë, policia sqaron ngjarjen 28/06 20:18
Shumica e anëtarëve të Kryesisë së Partisë Demokratike mendojnë se mënyra më e mirë për të marrë pjesë në zgjedhjet e 14 majit është koalicioni.
Burime për Top Channel bëjnë me dije se në mbledhjen që u mbajt këtë të shtunë, një pakicë e anëtarëve të Kryesisë shohin si mundësi pjesëmarrjen në zgjedhje si kandidatë të pavarur.
Megjithatë, diskutimet do te vijojnë edhe në mbledhjen e grupit parlamentar këtë pasdite, në orën 18.00. Sali Berisha pritet të konsultohet me të gjitha forumet para vendimmarrjes finale.
Sali Berisha ka vendosur të mos e pranojë vendimin e Apelit, që e nxjerr jashtë selisë së Partisë Demokratike, vendim që e ktheu në pikën zero konfliktin për drejtimin e Partisë Demokratike, duke sjellë një pasojë të dyfishtë për Berishën në zgjedhjet vendore. Përveç se nuk ka vulën e PD-së që të regjistrojë kandidatët e dalë nga primarët, ai duhet të ndajë votat me Ilir Metën, nëse zgjedh që të bashkohet në një koalcion.
Top Channel
