Votat për kandidatët e listave të hapura në Korçë, PS fut në Kuvend 3 deputetë, PD 1. Mbetet jashtë demokrati Edomond Spaho 13/05 18:33
Vepra “Certifikata e martesës” shkruar nga Ephraim Kishon me regji nga Driada Dervishi u risoll për publikun në skenën e Teatrit Kombëtar ArTurbina.
Pas 30 vitesh bashkëjetesë, çifti Meleku kujtohen që nuk dinë ku është certifikata e martesës. A varet realisht martesa nga një certifikatë? Rolet në vepër luhen nga aktorët Gentian Zenelaj, Olta Daku, Vlera Pylla, Xhuliano Brisku, Mimoza Marjanaku dhe Amri Hasanlliu.
Është mjaft e rëndësishme të shkruash për njerëzit e zakonshëm, sepse mbretërit dhe presidentët shkojnë e vijnë, ndërsa hidrauliku duhet përherë, pra qëndron gjithmonë. Pikërisht kjo e bën atë një njeri me një rëndësi mjaft të veçantë, kjo është arsyeja sipas autorit Ephraim Kishon që komedia “Certifikata e martesës” ka një sukses të jashtëzakonshëm.
Autori Ephraim Kishon është quajtur satiristi më i madh izraelit, me më shumë se 50 libra të përkthyer në 37 gjuhë me 43 milionë kopje. Libri i tij “Lezetet e familjes” i sjellë në shqip nga Robert Shvarc, thuhet se është libri më i shitur në hebraisht pas Biblës.
Top Channel
