Vrasje e frikshme në Meksikë/ Ekzekutohen tre turistë, trupat gjenden të hedhura në pus! Policia shokohet… 06/05 18:09
Këshilltari i lartë i Departamentit amerikan të Shtetit, Derek Chollet, i tha presidentit serb, Aleksandar Vuçiç, se Shtetet e Bashkuara e mbështesin plotësisht propozimin e Bashkimit Evropian për normalizim të marrëdhënieve mes Prishtinës dhe Beogradit.
Me anë të një bisede telefonike, Chollet iu drejtua Vuçiç-it se pret që takimi i 27 shkurtit me kryeministrin e Kosovës, Albin Kurti në Bruksel, të jetë konstruktiv dhe me përparim të dukshëm drejt marrëveshjes.
Kurti dhe Vuçiç do të takohen në Bruksel, në kuadër të dialogut që e ndërmjetëson Bashkimi Evropian.
Këshilltari i lartë i Departamentit amerikan të Shtetit foli edhe për nevojën e zbatimit të marrëveshjeve të nënshkruara në të kaluarën, përfshirë atë për themelimin e Asociacionit të komunave me shumicë serbe në Kosovë.
Spoke with President Vucic @predsednikrs today to express strong U.S. support for the February 27 meeting with EU HR/VP Borrell in Brussels. Welcomed Serbia’s continued commitment to constructive engagement on the EU proposal for securing peace and stability in the region.
— Derek Chollet (@CounselorDOS) February 26, 2023
Një ditë më parë Chollet i tha Kurtit ka ardhur koha që të diskutohet për Asociacionin.
Kosova dhe Serbia kanë arritur marrëveshje për Asociacionin në vitin 2013 dhe më pas më 2015 mbi parimet për themelimin e tij. Por gjatë vitit 2015, Gjykata Kushtetuese e Kosovës zbuloi se marrëveshja nuk është në përshtatje të plotë me Kushtetutën.
Serbia kërkon që Kosova të zbatojë marrëveshjet e arritura, por qeveria kosovare është kundër një asociacioni njëetnik.
Mediat e huaja raportojnë se Vuçiç gjatë bisedës është shprehur se pret një takim shumë të vështirë, mirëpo vendi i tij është i përkushtuar për paqe dhe stabilitet në rajon. Njëkohësisht ai tha se është i gatshëm të punojë në konceptin dhe zbatimin e planit të BE-së.
Propozimi i BE-së pritet të jetë pjesë e agjendës së takimit Kurti -Vuçiç ditën e nesërme, gjithashtu edhe diskutimi për marrëveshjet e arritura deri më tani.
Kosova dhe Serbia i kanë nisur negociatat e ndërmjetësuara nga Bashkimi Evropian në vitin 2011. Përgjatë kësaj kohe janë nënshkruar rreth 33 marrëveshje, por jo të gjitha janë zbatuar.
Top Channel
