Është ndëshkuar dhuna e përdorur ndaj politikanit dhe pedagogut shqiptar Petraq Milo nga efektivët e policisë malazeze, ku dy prej tyre kanë rënë në pranga ditën e sotme.
Pas videos së publikuar ku përdoret dhunë ndaj Milos, është bërë me dijë nga mediat malazeze se efektivët janë arrestuar dhe po hetohet ngjarja.
Prokurori i Ulqinit urdhëroi policinë që të arrestojë efektivët Nikolla Boljeviç dhe Dragan Shqekiç, të cilët dyshohet se janë autorë të incidentit të ndodhur më 15 janar në pikën kufitare Sukobin – Muriçan.
Drejtoria e Policisë (UP) në Mal të Zi mbrëmë ka njoftuar se është duke u zhvilluar procedura për përcaktimin e përgjegjësisë së zyrtarëve të Drejtorisë së Policisë, si dhe procedura para Departamentit për Kontroll të Brendshëm të Policisë dhe Ministrisë së Punëve të Brendshme. (MUP).
Milo ka rënë pre e veprimeve arbitrare e dhunës së një punonjësi të doganës malazeze së bashku me familjen e tij mes pretendimeve se nuk kishte respektuar radhën në kufi.
Ngjarja ka ndodhur në 15 janar në pikën kufitare Sukobinë-Muriqan, afër Ulqinit, por është bërë publike vetëm sot.
A month ago, Montenegrin police officer attacked Petraq Milo, an Albanian university professor and an advisor to the Albanian president. The video was posted today on facebook and caused public outrage in both counties. pic.twitter.com/l3wbpImFti
— Ljubomir Filipović (@ljubofil) February 21, 2023
Top Channel
