Kapet ‘mat’ me doza kokaine në makinë, pranga 32-vjeçarit në Korçë 10/01 09:30
Mijëra pasagjerë në mbarë botën u bllokuan pasi një defekt në sistemin e IT-së së kompanisë më të madhe ajrore gjermane Lufthansa shkaktoi vonesa dhe ndërprerje të fluturimeve për të gjithë grupin.
“Pati një shembje të sistemit”, pohoi zëdhënësi i Lufthansës, sipas të cilit problemi duket të jetë ishte shkaktuar nga dëmtimi i disa kabllove me fibra optike gjatë punimeve për ndërtimin e një lonje hekurudhore në Frankfurt, riparimi i të cilave mund të zgjasë deri të mërkurën. Shpjegimi i tij megjithatë nuk i ka penguar hamendësimet në rrjet mbi një hakerim të mundshëm. Fotot dhe videot nga disa aeroporte gjermane treguan momente kaosi teksa mijëra pasagjerë që prisnin në radhë të kontrolloheshin. Aksionet e Lufthansës, e cila zotëron gjithashtu SWISS, Austrian Airlines, Brussels Airlines dhe Euroëings, ranë menjëherë me 1.5%.
Udhtëtarët rrëfyen në mediat sociale se për shkak të problemeve, kompanitë ishin detyruar ta organizonin punën me stilolaps dhe letër dhe se nuk ishte në gjendje të përpunonte në mënyrë dixhitale të dhënat e bagazheve të tyre. Bloomberg Neës tha se Lufthansa kishte pezulluar të gjitha fluturimet e saj, megjtihatë kompania nuk e konfirmoi këtë për Reuters.
“Ka ende fluturime në ajër, ato nuk do të sillen në tokë,” thanë drejtues të saj. Dështimi i sistemit të IT-së vjen dy ditë përpara grevave të planifikuara në shtatë aeroporte gjermane që pritet të çojnë në ndërprerje të mëdha të fluturimeve, duke shkaktuar me gjasë vështirësi edhe për Konferencën e Sigurisë në Mynih të premten. Linja ajrore skandinave SAS (SAS.ST) pohoi mbrëmjen e se martës se ishte goditur nga një sulm kibernetik. Ndërkohë në muajin dhjetor, persona të panjohur prenë kabllot që i përkisnin hekurudhës publike të Gjermanisë në dhjetor, në atë që u pa si akti i dytë i sabotimit kundër Deutsche Bahn në disa muaj.
Po në dhjetor, linjat ajrore në SHBA anuluan më shumë se 1,300 fluturime e u regjistruan mbi 10.000 vonesa pas goditjes së një sistemi kompjuterik të qeverisë.
Top Channel
