Franca në gjendje kolapsi fiksal, borxhi publik kap shifrat më të larta në 80 vite

Krahasuar me marsin e kaluar, borxhi publik i Francës u rrit me 59.6 miliardë euro, një rritje prej 2% në tre muaj. Ai gjithashtu tejkaloi borxhin publik të regjistruar në tremujorin e parë të vitit 2021 (117.8%), kur Franca, ashtu si vendet e tjera evropiane, shpenzoi shuma të mëdha parash për të shmangur recesionin ekonomik.

Sipas parashikimeve të fundit të qeverisë, borxhi publik pritet të rritet në 119.3% të PBB-së deri në fund të këtij viti dhe në 121.7% në vitin 2027.

Rezultati i kësaj situate është rritja e kostove të huamarrjes së Francës. Norma e interesit për obligacionet dhjetëvjeçare është rritur në 4.8%, ndërsa për obligacionet tridhjetëvjeçare është në 5.3%, më e larta që nga viti 2003. Franca aktualisht merr hua më shtrenjtë se Greqia, Italia, Spanja, Portugalia dhe sigurisht Gjermania, norma e interesit e së cilës për obligacionet dhjetëvjeçare është në 3.65%.

Në të njëjtën kohë, sipas të gjitha indikacioneve, Franca po hyn në një periudhë tensionesh politike dhe sociale. Sot, nëpunësit civilë hynë në grevë, me protesta veçanërisht të forta në sektorët e transportit, shëndetësisë dhe arsimit, ndërsa mbetet e paqartë nëse Asambleja Kombëtare Franceze do të ketë shumicën për të miratuar buxhetin e shtetit për vitin 2027.

Ndërkohë, Franca de facto ka hyrë në një periudhë parazgjedhore në funksion të zgjedhjeve presidenciale pranverën e ardhshme, si dhe zgjedhjeve parlamentare që ndoshta do të pasojnë. Bazuar në këto të dhëna, është jashtëzakonisht e dyshimtë nëse, brenda tetë muajve të ardhshëm, Franca do të jetë në gjendje të miratojë masat shtrënguese ekonomike për të cilat pak a shumë të gjithë bien dakord se tani janë më të nevojshme se kurrë.

Top Channel