Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Bashkëshortja e Mbretit Charls, Camilla do të mbajë kurorën e Mbretëreshës Mari në kurorëzimin e tij.
Kurora është hequr nga ekspozimi në Kullën e Londrës për t’u modifikikuar përpara ceremonisë në maj.
Kjo është hera e parë në pothuajse tre shekuj që një kurorë ekzistuese do të përdoret për kurorëzimin e një bashkëshortje të mbretit në vend që të bëhet një e re.
Camilla, e cila ka anuluar angazhimet e saj këtë javë pasi rezultoi pozitive për COVID , thuhet se ka marrë vendimin të mbajë kurorën e Mbretëreshës Mary në interes të qëndrueshmërisë dhe efikasitetit.
Kurora fillimisht u porosit për kurorëzimin e Mary of Teck-ut si bashkëshorte e Mbretit George V, stërgjyshit të monarkut aktual, në 1911, kur u kurorëzua.
Disa ndryshime dhe shtesa do të bëhen nga Crown Jeweller, në përputhje me traditën që bizhuteritë futen në mënyrë unike, veçanërisht për këtë rast, dhe për të pasqyruar stilin individual të mbajtësit.
Kurora do të ribëhet me diamantet Cullinan III, IV dhe V, të cilat shpesh mbaheshin si karfica nga monarku i mëparshëm.
Përveç diamanteve, katër nga tetë harqet e ndashme të kurorës do të hiqen, duke i dhënë kokës një siluetë të ndryshme nga ajo kur ishte veshur nga Mbretëresha Mari në kurorëzimin e vitit 1911.
Kurora e Shën Eduardit, e cila do të përdoret për kurorëzimin e Mbretit, është rikthyer në ekspozitë publike në Kullën e Londrës, tani modifikimet e saj kanë përfunduar.
Top Channel
