Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Gjuajtes MIG-29
Polonia raportohet nga Rusia se ka dërguar fshehtësisht Ukrainës disa avionë gjuajtës MIG-29, të maskuar si ‘pjesë këmbimi’.
Në pranverën 2022, Varshava ka dërguar disa avionë MiG-29 drejt Ukrainës, edhe pse qeveria e vendit mohon marrëveshje të tilla, raportonte agjencia polake të lajmeve Dziennik Gazeta Prawna (DGP), e cila shkruan se avionët janë dërguar me mënyra “të kombinuara”, me sa duket në formë të çmontuar dhe të deklaruara si pjesë këmbimi.
“Trupi i avioni dhe krahët mund të jenë pjesë këmbimi,” shkruante dje agjencia polake DGP, duke cituar burime anonime të qeverisë vendase.
Në mars Uashingtoni kishte refuzuar planet për transferimin e avionëve polakë MiG-29 në Ukrainë, duke thënë se lëvizja mund të kthehej në një “përshkallëzim të shpejtë” e të fuste SHBA ose NATO në konflikt me Rusinë.
Por një muaj më vonë Pentagoni pranoi se aleatë të paemëruar të SHBA kishin ndihmuar Ukrainën për forcimin e forcës ajrore me “donacione pjesësh këmbimi” që supozohej se ishin për të riparuar flotën ajrore të dëmtuar të Kievit.
Javët e fundit SHBA ka thënë se do të dërgoje tanke M1 Abrams për Kievin, kurse Gjermania, Polonia e Finlanda do të dërgojnë tanket e tyre Leopard 2.
Kremlini ka thënë se dërgesat tregojnë se Perëndimi po përfshihet drejtpërdrejt në konflikt, edhe pse BE e SHBA pretendojnë ndryshe./PressUnited/
Top Channel
