Punonjëset vazhdojnë protestën, Inspektorati i Punës pezullon aktivitetin e fasonerisë në Bilisht
05/01/2023 10:59
LAJM I FUNDIT! Fshehin vendndodhjen e nipit 3-vjeçar me gjyshen e tij, lihen në burg gjyshi dhe kunati
19/04 14:52
Punonjëset e fasonerisë në Bilisht kanë vijuar protestën e tyre për të dytën ditë radhazi ndërsa Inspektorati i Punës ka pezulluar aktivitetin e fasonerisë për shkak te shkeljes dhe pengimit të së drejtës sindikale për protestë.
Punonjëset janë shprehur të vendosura për të vazhduar protestën deri në zgjidhjen e situatës.
Eglivel Laloshi shef i sektorit të drejtorisë rajonale të Inspektoriatit të Punës ka sqaruar se prej ditës së djeshme grupi i inspektimit ka mbërritur në ambientet e fasonerisë dhe inspektimi do të vazhdojë deri në datën 10 janar, ndërsa ka vendosur një masë administrative emergjente ndaj subjektit Toni Oil.
Punonjëset e fasonerisë u ngritën në protestë për shkak të vendimit për pushimin nga puna të kryesindikalistes Mirjeta Mulla ndërsa akuzuan subjektin për një sërë shkeljesh ligjore, duke përfshirë mbajtjen e punonjëseve te pasiguruara, uljen e pagës, mungesën e ngrohjes si dhe kushtet e papërshtatshme higjeno-sanitare.
Top Channel
