Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Teksa lufta në Ukrainë vijon në ditën e 313, Sky News ka bërë një analizë të katër hartave që përfshijnë vendin dhjetë muajt e fundit për të bërë edhe dallimin e këtyre rajoneve në këto muaj për situatën në vijën e frontit.
25 mars
Në mars të vitit të kaluar, Rusia po vazhdonte të bënte përparime në të gjithë Ukrainën.
Ajo kishte marrë kontrollin në pjesën më të madhe të verilindjes së vendit rreth Sumy dhe Kharkiv.
Forcat e Moskës u përpoqën gjithashtu të lëviznin drejt Kievit, por kurrë nuk arritën të merrnin kryeqytetin.
27 qershor
Deri në qershor, forcat ruse ishin larguar nga Chernihiv dhe zonat në veri, por kishin fituar më tej në lindje rreth Kharkiv.
Pas luftimeve të ashpra në rajonin e Luhanskut, forcat ukrainase braktisën qytetin Severodonetsk.
28 shtator
Deri në shtator, kundërofensiva e Ukrainës ishte duke u zhvilluar dhe çoi në një varg suksesesh për forcat e Kievit.
Ajo e befasoi Moskën dhe rezultoi në një sërë pengesash për forcat e Putinit.
Në rajonin e Kharkiv, forcat ukrainase rimorën qytete kyçe si Izium.
25 dhjetor
Me ardhjen e dhjetorit, forcat ruse filluan “të gërmojnë” për të forcuar operacionet e saj mbrojtëse.
Në nëntor, Moska tërhoqi forcat e saj nga qyteti i Khersonit në jug – duke shënuar një nga pengesat më të mëdha të Rusisë pasi e kishte pushtuar qytetin në fillim të luftës.
Pavarësisht ritmit më të ngadaltë të luftimeve në terren, Rusia nisi një seri sulmesh raketore që synonin infrastrukturën energjetike të Ukrainës.
Top Channel
