Plagosje në Shkodër/ Natën e ndërrimit të viteve bie në pranga 19-vjeçari me armë pa leje

01/01/2023 16:31
Foto Ilustruese

Një 19-vjeçar është arrestuar në fshatin Boks të Postribës natën e ndërrimit të viteve dhe u plagos aksidentalisht me armën që mbante pa leje.

Në fshatin Boks të Postribës, S. P., rreth orës 21:00 natën e ndërrimit të viteve ka shkuar afër një objekti kulti me një pistoletë me vete, për të qëlluar në ajër. Në këtë vend kanë qenë edhe një 15-vjeçari dhe disa të tjerë të mitur.

19-vjeçari  i ka dhënë armën e zjarrit 15-vjeçarit, që të qëllonte edhe ai në ajër. Në momentin që S. P. ka dashur t’ia marrë armën 15-vjeçarit, arma është shkrepur aksidentalisht edhe për pasojë është plagosur në këmbë vetë.

S. P., 19 vjeç akuzohet për veprën penale “Prodhimi dhe mbajtja pa leje e armëve luftarake dhe municioneve”, ndërsa nisi procedimi në gjendje të lirë për 15- vjeçarin për veprën penale “Plagosja nga pakujdesia”.

“Specialistët për Hetimin e Krimeve të  Komisariatit të Policisë Shkodër arrestuan shtetasin S. P., 19 vjeç, për veprën penale “Prodhimi dhe mbajtja pa leje e armëve luftarake dhe municioneve”, si dhe nisi procedimi në gjendje të lirë, pas konsultimit me prokurorin, për një shtetas të mitur 15 vjeç, për veprën penale “Plagosja nga pakujdesia”. Nga veprimet hetimore rezultoi se në fshatin Boks të njësisë administrative Postribë, shtetasi S. P., rreth orës 21:00 të datës 31.12.2022, ka shkuar afër një objekti kulti në fshatin Boks, me një armë zjarri pistoletë me vete, për të qëlluar në ajër. Në këtë vend kanë qenë edhe 15-vjeçari dhe disa shtetas të tjerë të mitur. Shtetasi S. P. i ka dhënë armën e zjarrit 15-vjeçarit, që të qëllonte edhe ai në ajër. Në momentin që shtetasi S. P. ka dashur t’ia marrë armën 15-vjeçarit, arma është shkrepur aksidentalisht edhe për pasojë është plagosur në këmbë shtetasi S. P. Shërbimet e Policisë kanë gjetur dhe sekuestruar në vendin e ngjarjes një armë zjarri pistoletë, të cilën e mbante pa leje shtetasi S. P. Grupi hetimor, nën drejtimin e Prokurorisë, po vijon veprimet për dokumentimin e plotë ligjor të ngjarjes. Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme”, sipas policisë.

Top Channel