Hiqen kufizimet, Presidenti Biden do të lejojë Ukrainën të përdorë armë amerikane për sulme brenda Rusisë 17/11 20:24
Të dhënat e fundit të revistës Forbes zbulojnë se themeluesi aplikacionit të mesazheve dhe komunikimit “Telegram”, Pavel Valeryevich Durov, konsiderohet si rezidenti më i pasur i Emirateve të Bashkuara Arabe, me një pasuri prej 15.1 miliardë dollarë, duke u renditur gjithsesi i 115-ti në botë, sipas listës së rrjetit “real-time billionaires.”
Mediat e Emirateve te Bashkuara shkruanin se vendi ka si rezidentë 11 miliarderë në dollarë, 4 prej të cilëve janë vendas.
Durov është një nga milionerët më të njohur me bazë në Dubai.
Ndërsa vendasi Abdullah Bin Ahmed Al Ghurair, kreu i bankës Mashreq, renditej në vend të dytë më një pasuri prej $2.8 miliardë, i ndjekur nga Hussain Sajwani, themelues i grupit të pronave të patundshme Damac Properties.
Në vend të tretë me $2.7 miliardë ishte Abdullah Al-Futtaim dhe familja e tij, pronarë të grupit ‘Al-Futtaim Group’.
Në një tjetër hulumtim të grupit “Henley & Partners” për qytetet më të pasura në botë, për vitin 2022 Dubai renditej i pari për Lindjen e Mesme dhe Afrikën Veriore.
Pas një rritjeje të pasurisë së individëve të pasur me 18% në gjashtë muajt e parë të këtij viti, popullata e pasur e Emirateve është rritur në 67,900 individë, nga 54,000 në qershor të vitit të shkuar, sipas mediave vendase.
Top Channel
