Tubimi i fundit i Trump, republikani kërkon fitoren në Karolinën e Veriut: Të jemi sërish një komb i lirë dhe krenar 04/11 18:59
Mbledhje orizi ne fushen e Qaha, ne veri te Kairos/ Reuters
Lëvizja vjen pas njoftimeve se disa prodhues e shitës nuk po nxirrnin prodhimin në treg për të nxitur rritjen e çmimeve.
Prodhuesit dhe shitësit e orizit në Egjipt që nuk nxjerrin në treg ushqimet e tyre tashmë do të përballen me gjoba të rënda dhe burgosje, njoftoi qeveria, në një tentativë për të ndaluar manipulimet e tregut prej ngritjes së çmimeve.
Këshilli i ministrave të Egjiptit në takimin e përmuajshëm vendosi të përcaktojë orizin “mall strategjik” dhe paralajmëroi ashpër të gjithë ata që “e mbanin jashtë qarkullimi, duke e fshehur, duke mos e ofruar për shitje ose në mënyra të tjera.
Urdhri i kabinetit që do të mbetet në fuqi për tre muaj ose deri në shfuqizim thotë se “prodhuesit, shpërndarësit, shitësit e furnizuesit duhet të raportojnë në ministrinë e furnizimit për sasinë e orizit që kanë në zotërim.
Vendi u mmor pasi qeveria u vu në dijeni të disa prodhuesve e shitësve që po mbanin jashtë qarkullimi frunizimet e tyre me qëllim të përfitonin më shumë më vonë nga rritja e çmimeve.
Direktiva thotë se shkelësit mund të dënohen me 1 vit burg ose gjobë jo më pak se 100,000 paundë egjiptianë ($4,084) ose vlerën e mallin që mbanin jashtë tregut, cilado të jetë më e lartë.
Direktiva vendos gjithashtu çmimin standard 18 paundë egjiptianë për një kilogram oriz.
Çmimet e ushqimeve kanë pësuar rritje të ndjeshme në Egjipt, teksa një kilogram oriz po shitet aktualisht nga 17 deri në 20 paundë, në krahasim me 8 paunde që shitej në të njëjtën kohë vitin e kaluar.
Egjipti që dikur ishte eksportues orizi, raportohet se reduktoi prodhimin e tij në vitin 2018 për të kursyer ujë dhe nisi importin nga jashtë.
Top Channel
