Rindërtimi në Rrogozhinë/ Pas denoncimit të Fiksit, firma riparon banesat, vendos dyer e dritare
10/10/2022 20:40
600 të dënuar do të kalojnë festat pranë familjes, qeveria miraton projektligjin e amnistisë 06/12 17:22
Pak ditë më parë emisioni Fiks Fare transmetoi rastin e disa banorëve në qytetin e Rrogozhinës, përfitues të projektit të rindërtimit si pasojë e dëmtimeve të tërmetit të nëntorit 2019.
Qytetarët shprehnin pakënaqësi kundrejt cilësisë së punimeve, gjithashtu nga vëzhgimet që Fiksi bëri disa prej banesave nuk ishin të pajisura me dyer dhe dritare edhe pse banorët kishin arritur të futeshin brenda.
Redaksia e emisionit Fiks Fare me datë 22 shtator kompanisë së ndërtimit Gjikuria i dërgoi një kërkesë për informacion, por edhe pse kishin kaluar më shumë se dy javë punonjësit e kësaj kompanie nuk kthyen një përgjigje. Por si rezultat i interesimit të Fiksit kompania kishte vepruar në terren. Ata kishin riparuar mangësitë që kishin shtëpitë e ndërtuara, si lagështirën dhe plasaritjet që kishin muret dhe gjithashtu kishin vendosur dyert dhe dritaret që mungonin. Gazetarët e Fiks Fare sjellin pamjet e banesave të riparuara dhe banorët shprehin falenderimet e tyre.
Kujtojmë se tërmeti i 26 Nëntorit preku shumë familje edhe në qytetin e Rrogozhinës. Nga ku u vendos rindërtimi i 102 banesave në këtë qytet me fonde të qeverisë. Banorët e dëmtuar kanë marrë në dorë çelësat e shtëpive të tyre të reja dhe kanë filluar të jetojnë në to.
Kompania që fitoi tenderin për rindërtimin e 102 banesave individual në qytetin e Rrogozhinës, është Gjikuria.
32 banesa të ndërtuara ishin të papërfunduara, nuk kishin as dyer e dritare, dhe muret ishin të plasaritur. Por pas interesimit të Fiks Fare shtëpitë u plotësuan me dyer e dritare dhe u rregulluan problemet e tjera që banorët kishin hasur në to.
Top Channel
