Anija e sanksionuar ruse fundoset në Detin Mesdhe 24/12 13:37
Pamjet e reja tregojnë se asteroidi që u godit qëllimisht nga sonda Dart e NASA-s, ka lënë pas një gjurmë mbeturinash që shtrihet për gati 10 mijë kilometra.
Një teleskop në Kili kapi fotografinë e jashtëzakonshme të një bishti të ngjashëm me atë të një komente, të krijuar pas shkëmbit hapësinor.
Sonda e përplasur mbi të javën e kaluar, kishte për qëllim të provonte nëse asteroideve që përbëjnë kërcënim për Tokën, mund t`iu ndryshohej drejtimi.
Shkencëtarët ende po punojnë për të përcaktuar nëse testi ishte i suksesshëm dhe nëse trajektorja e asteroidit ndryshoi vërtet. Imazhi i jashtëzakonshëm u mor nga astronomët në Kili dy ditë pas përplasjes.
Ata arritën ta diktojnë gjurmën gjigante duke përdorur Teleskopin Kërkimor Astrofizik Jugor (Soar). Ajo pritet të bëhet edhe më e gjatë derisa të shpërndahet plotësisht dhe të duket si pluhuri tjetër hapësinor përreth.
“Është e mahnitshme se sa qartë arritëm të kapnim strukturëve dhe nivelin e shtrirjes së pasojave të kësaj goditjeje në ditët që e pasuan”, u shpreh eksperti Teddy Kareta, i cili ishte i përfshirë në vëzhgim. Gjurma e mbeturinave do të monitorohet gjatë javëve dhe muajve të ardhshëm, tha Michael Knight nga Laboratori i Kërkimeve Detare të SHBA.
Top Channel
