“Si funksionon lufta hibride e Rusisë?”, analiza e DW: Ka zgjeruar vazhdimisht arsenalin përmes spiunazhit, sabotimit dhe sulmeve kibernetike 30/11 07:22
Zelimkhan Abakarov bëri të dëgjohej himni shqiptar dhe të valëvitej flamuri kuq e zi në Beograd ku u zhvillua Kampionati Botëror i Mundjes.
Sportisti çeçen që garon me ngjyrat kuqezi u shpall kampion bote në stilin e lirë në kategorinë deri në 57 kg, duke shkruar historinë e mundjes shqiptare dhe duke i dhuruar vendit medaljen e parë të artë botërore.
Në finale, Abakarov mundi amerikanin Thomas Patrick Gilman me rezultatin 7-2. Ishte një takim të cilin Abakarov e nisi menjëherë në sulm duke e dominuar atë. Në pjesën e parë të këtij dueli, Abakarov fitoi 5-1, me amerikanin që pikën e vetme e mori duke e nxjerrë në një moment sportistin e Shqipërisë nga rrethi kufizues i tapetit. Edhe në 2 minutëshin e pjesës së dytë të sfidës, ishte Abakarov që u shfaq më superior se kundërshtari i tij duke regjistruar rezultatin e pjesshëm 2-1 për të çuar atë të përgjithshmin në 7-2 dhe për të fituar përfundimisht medaljen e artë në këtë kampionat botëror.
Me rezultatin e shkëlqyer, sporti shqiptar po tregon se po përjeton një moment të shkëlqyer në këtë vit 2022 duke parë edhe suksesin e Luiza Gegës që u shpall kampione e Evropës në Atletikë dhe atë të Florian Marku në boks në kategorinë WBC.
Në reagimin e parë pas fitores Abakarov u shpreh se kënaqësia dhe krenaria për flamurin shqiptar janë më të larta se kurrë. Ai u shpreh se ishte besimplotë për rezultatin e këtij turneu dhe se ia doli të shkruante historinë.
Top Channel
