Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Princi Harry ka kujtuar gjyshen e tij, Mbretëreshën Elizabeth, përmes një deklarate të bërë publike për mediet.
Duka i Sussex shkruan se “në përkujtim të gjyshes sime, Madhërisë së saj, në vajtim për humbjen e saj, të gjithëve na kujtohet se si Mbretëresha ishte një busull orientuese për ne, me përkushtimin që i bënte detyrës. Ajo ishte e admiruar dhe e respektuar në mbarë botën. Dinjiteti i saj mbeti i vërtetë gjatë gjithë jetës së saj.
Le t’i bëjmë jehonë fjalëve që Mbretëresha tha pas vdekjes së bashkëshortit të saj, Princit Philip , fjalë që mund të na sjellin ngushëllim të gjithëve tani: Jeta, përbëhet nga ndarjet përfundimtare, si dhe takimet e para”.
Princi Harry kujton fëmijërinë e tij me gjyshen, deri te momentet kur Mbretëresha takoi për herë të parë fëmijët e Harryt dhe Meghan Markle, Archie Harrison dhe Lilibet Diana.
Kështjella Windsor është një vend i vetmuar pa mbretëreshën Elizabeth, thotë Harry.
“Ndërsa kjo ndarje përfundimtare na sjell një pikëllim të madh, unë jam përgjithmonë mirënjohës për të gjitha takimet tona të para, që nga kujtimet e mia më të hershme të fëmijërisë me ty, te takimi me ju kur u emërova për herë të parë Komandanti im i Përgjithshëm, deri në momentin kur takuat gruan time të dashur dhe përqafuat stërnipërit tuaj… Dhe ndërsa bëhet fjalë për takimet e para, ne tani e nderojmë babanë tim në rolin e ri si Mbreti Karli III”.
Harry shton se tashmë Mbretëresha është bashkuar me burrin e saj, Princin Philip.
“Faleminderit për këshillat. Faleminderit për buzëqeshjen tuaj ngjitëse. Edhe ne buzëqeshim duke ditur që ju dhe gjyshi jeni ribashkuar tani dhe jeni të dy së bashku në paqe”.
Vdekja e Mbretëreshës erdhi menjëherë pas vdekjes së bashkëshortit të saj, Princit Phillip , Duka i Edinburgut, i cili vdiq në moshën 99-vjeçare në prill të 2021. Ata qëndruan të martuar për 73 vjet.
Top Channel
