Rritet numri i kalimeve në dalje të pikës kufitare të Muriqanit, radhë të gjata automjetesh në doganë

Deri më tani në këtë pikë kufitare kanë dalë 5320 persona dhe 1520 automjete.

E kundërta ndodh me hyrjet në vendin tonë, pasi situata është e qetë dhe se nuk ka fluks udhëtarësh. Raportohet se kanë hyrë 5010 persona dhe 1440 automjete.

Shumë prej qytetarëve nuk kanë informacione në lidhje me sulmin kibernetik që i është bërë sistemit TIMS, që shërben për regjistrimin e hyrje daljeve në pikat kufitare.

Ministria e Brendshme ka njoftuar se deri më tani vetëm dy sportele në Pikën e Kalimit Kufitar të Rinasit i janë kthyer normalitetit, pas sulmit kibernetik në sistemin TIMS.

Njëkohësisht u njoftua se shumë shpejt do të ketë një rikthim të plotë të këtij sistemi në Rinas dhe në të gjitha pikat e tjera kufitare.

Një sulm tjetër kibernetik ndodhi në vendin tonë, kësaj radhe hakerat e sponsorizuar nga Irani vënë në shënjestër sistemin TIMS që shërben për regjistrimin e hyrje daljeve në pikat kufitare.

Top Channel