Avioni përplaset me disa kamionë teksa zbriste në pistë, tre të plagosur 17/11 22:57
Pas shiut të rrëmbyeshëm, një ylber u shfaq para Pallatit Buckingham, pak çaste pasi Mbretëresha Elisabeth II mbylli sytë përgjithmonë.
Tani trishtim dhe lot shihen në sytë e të gjithëve, ku me qindra vetë ishin mbledhur prej orësh jashtë pallatit Bakingam të shqetësuar për shëndetin e mbretëreshës, që tashmë nuk do të jetë më mes tyre.
Monarkja më jetëgjatë e Mbretërisë së Bashkuar ndërroi jetë sot në një të enjte me shi dhe qiell të ngrysur, një ogur i keq që sinjalizoi ndarjen nga jeta të një prej figurave mbretërore më të dashura për britanikët dhe jo vetëm.
Mbretëresha Elizabeta e dytë, 96 vjeç dha frymën e fundit në pallatin Balmoral, një nga më preferuarit e saj, dhe vendet ku ajo kishte qëndruar më shumë veçanërisht tre vitet e fundit.
Familja e saj u gjend pranë saj menjëherë, qëkur pallati Bakingam në një deklaratë të pazakontë lajmëroi se shëndeti i saj nuk ishte i mirë dhe duhej të mbikëqyrej vazhdimisht nga mjekët.
Princi Charles i cili do ta pasojë atë në fron, ishte ndër të parët që mbërriti në kështjellën Balmoral në Skoci, për t’u ndjekur më pas nga gjithë mbretërorët e tjerë.
Top Channel
