Tajvani pretendon se 13 avionë kinezë shkelën hapësirën e tij ajrore

14/08/2022 09:10

Trembëdhjetë avionë të forcave ajrore kineze shkelën hapësirën ajrore të Ngushticës së Tajvanit, tha më 13 gusht, Ministria e Mbrojtjes së Tajvanit.

Një ditë më herët, Tajvani bëri të ditur se dhjetë avionë kinezë kaluan përgjatë ngushticës së ishullit.

Forcat ajrore të Kinës kanë fluturuar në mënyrë të përsëritur përtej linjës ndarëse ajrore gjatë javës së kaluar si pjesë e stërvitjeve ushtarake të organizuara pas vizitës së kryetares së Dhomës së Përfaqësuesve të SHBA-së, Nancy Pelosi, në ishullin e pretenduar nga Kina, vizitë të cilën Pekini e kundërshtoi ashpër.

Kina ka thënë se Tajvani është pjesë e territorit të saj dhe se nuk do të tolerojë “veprimtaritë separatiste” në ishull, duke kërcënuar se do ta aneksojë me forcë nëse është e nevojshme.

Top Channel