Debat në OKB: Gjenocidi në Srebrenicë të dënohet globalisht 19/04 18:42
Shtetet e Bashkuara të Amerikës kanë futur në “listën e zezë” zëvendës presidentin e Paraguajit, Hugo Velazquez Moreno me akuzën për përfshirje në korrupsion.
Përfshirja e Velázquez në listën e korrupsionit, e shpallur nga ambasadori i SHBA-së në Paraguaj, Marc Ostfield të premten në mëngjes, tronditi botën politike të Paraguajit jo vetëm për shkak të rolit të Morenos në administratën e Presidentit Mario Abdo Benítez, por edhe sepse ai shihet si një pretendent kryesor për t’u bërë president.
Velázquez mohoi akuzat për korrupsion, por tha se do të hiqte dorë nga kandidatura e tij presidenciale dhe do t’i paraqiste dorëheqjen Kongresit javën e ardhshme, në mënyrë që të mund të mbrohej kundër akuzave. Ai tha se ai do të jepte dorëheqjen sepse dëshiron të “dalë si një qytetar i zakonshëm për të mbrojtur atë që unë mendoj se është një padrejtësi”.
“Më goditi vërtet, më ra si një kovë me ujë të ftohtë,” tha Velázquez gjatë një interviste me një radio lokale.
Juan Carlos Duarte, një ish-prokuror i cili është një bashkëpunëtor i ngushtë personal dhe biznesi i Morenos, u përfshi gjithashtu në listën e zezë. SHBA pretendon se me kërkesë të Zëvendës Presidentit Velázquez, Duarte, partneri i tij i ngushtë personal dhe profesional, i ofroi një ryshfet më shumë se 1 milion dollarë një zyrtari publik që të pengonte një hetim për Velázquez.
“Duarte, një bashkëpunëtor i ngushtë personal dhe profesional i Zëvendës Presidentit Velazquez, i ofroi ryshfet një zyrtari publik paraguaian me qëllim që të pengonte një hetim që kërcënonte Zëvendës Presidentin dhe interesat e tij financiare. Veprimet korruptive si këto kontribuojnë në zvogëlimin e besimit te qeveria dhe perceptimet e publikut për korrupsionin dhe mosndëshkimin brenda zyrës së Zëvendës Presidentit Paraguaian. Për më tepër, akti i korrupsionit i Duarte abuzoi dhe shfrytëzoi pozicionin e tij të fuqishëm dhe të privilegjuar publik brenda Entit Bi-National Yacyretá, duke rrezikuar besimin e publikut në një nga asetet më jetike ekonomike të Paraguait”, thotë Departamenti Amerikan.
Velázquez, Duarte dhe anëtarët e tyre të ngushtë të familjes nuk do të lejohen më të hyjnë në Shtetet e Bashkuara.
Top Channel
