Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Yang Huiyan, aksionerja kryesore në gjigantin kinez të pasurive të paluajtshme ‘Country Garden’, ka parë rënien e vlerës së pasurisë së saj neto në 11.3 miliardë dollarë në vetëm një vit.
Gruaja më e pasur e Azisë ka humbur më shumë se gjysmën e pasurisë së saj vitin e kaluar, ndërsa kriza që ka pllakosur tregun e pronave në Kinë po thellohet gradualisht.
Më në detaje dhe sipas asaj që raporton ‘Guardian’, Yang Huiyan pa pasurinë e saj të tkurret me më shumë se 52% brenda pak muajsh.
Konkretisht, nga 23.7 miliardë dollarë sot, ajo gjeneron vetëm 11.3 miliardë dollarë. Pasuria e saj mori një goditje të rëndë të mërkurën e kaluar kur aksionet në ‘Country Garden’ të listuar në Hong Kong ranë -15%, menjëherë pasi u njoftua se kompania planifikonte të shiste aksione për të rritur likuiditetin e saj.
Yang trashëgoi pasurinë e saj kur babai, themeluesi i ‘Country Garden’, Yang Guoqiang transferoi aksionet e tij tek ajo në vitin 2005, sipas mediave shtetërore.
Më pas ajo u kurorëzua gruaja më e pasur në Azi. Në fakt, ndër të tjera Huiyan humbi edhe titullin e gruas më të pasur në Azi që tani i përket Fan Hongwei, një manjate në industrinë e fibrave kimike.
Ka dhjetëra raste të njerëzve që bëjnë pasuri të mëdha duke investuar në kriptovaluta dhe tani i humbasin ato.
Shtatë investitorët më të fortë të kriptove në botë humbën, për të qenë të saktë, 144 miliardë dollarë në vetëm pak javë.
Por bie në sy ai i “bosit” të shkëmbimit më të madh të kriptove në botë, Changpeng Zhao. Biznesmeni 44-vjeçar kinezo-kanadez, i njohur ndërkombëtarisht si CZ, tashmë është zyrtarisht njeriu që ka humbur më shumë para në historinë njerëzore./ Top Albania Radio
Top Channel
